得知要影西部通道全景要上公庵山.搭小巴老人院落車好快就到登山口.路一點唔難行,有人用木板做晒樓梯級,山也不高只係二百多米,但最後一段應該係越野電單車賽道,好多碎沙,頗跣,要小心慢行,最好有勞工手套萬一跣到都唔駛擦傷手.
風好大仲要用到200mm,試咗一陣發覺搞唔掂,快門一長就矇.幸好搵到個草堆凹咗入去擋到風先解決到.Magic hour大約六點四十五分,一般橋樑都係捱到七點就開燈,西部通道係衰啲要七點半,唔係做定功課我都以為佢唔會開燈,肯定七點就走人,依家要捱多半粒鐘.呢四十五鐘都幾難捱,屈在草堆對腳會屈壞,出面又超大風,沙地亂咁走動又危險,侷住係咁郁對手等冇咁涷,時間一到嗱嗱聲影咗就落山.出大馬路的小巴班次好密,等咗一陣就有.
島兄每次都能為藝術而犧牲😅
回覆刪除這個角度影西部通道幾好,也許六七月影會清啲
今次真係順便強身建體.係呀,六七月一來天氣清啲,二來唔駛等咁耐先開燈 :P
刪除個大S好靚,我不會為拍靚相而攀山越嶺,所以多謝你的分享。
回覆刪除哈哈,謝謝你的鼓勵 :)
刪除好靚呀!辛苦你啦!
回覆刪除謝謝你的鼓勵 :)
刪除咁朦的天氣都上, 真的好佩服你。
回覆刪除香港好難有高清天氣我又得閒 @@
刪除哈,為求要影到靚相,真的辛苦了啊,加油!🤩
回覆刪除哈哈,謝謝你的鼓勵 :)
刪除Wonderful picture! Delightful!
回覆刪除Greetings from Poland!
Thanks very much, great to see you.
刪除