2017年2月8日 星期三

泥涌清水疍

影日出既交通安排真係頗麻煩,除非唔計錢吓吓打的.否則通宵車係冇乜選擇.等到正常車又趕唔到.冬天日短夜長,無聊查一查日出時間,咦,7:10其實港鐡開咗,搭頭班車的話唔係太遠都應該去到.之前見到人地在泥涌影既綠藻加日出好正.但綠藻出現日子唔清楚,只好搏一搏.5:45頭班車出大學再轉小巴.快到唔相信,6:30都未夠就到咗.


綠藻...........係冇既,影日出囉.有山遮住既關係,太陽要成7:30先肯出來,係就係好好天,一粒雲都冇,肯定唔會遮住日出食白果,不過冇雲又好單調,冇得火燒雲,友儕叫呢啲做清水疍.被視為失敗.咁都冇計啦,希望下次來有火燒雲加綠藻吧.

影多張多啲地下既,都係冇乜睇頭,如果地下係綠藻咁就差好遠.唔影日出晏小小來淨係影綠藻得唔得呢?我真係試過,由於水漲關係,會掩過晒啲綠藻,變咗綠藻糖水 XD

沒有留言:

張貼留言