拍攝既地方係三支香,我都試過上去影夜景,當時對我來講都幾吃力,仲諗住未必要真係去到山頂,結果就真係要到頂啦,不過可能體能好咗,又唔係咁吃力喎.距離實在太遠喇,用盡500mm先影到全隻艦.天氣有煙霞之餘仲勁熱,有啲熱氣流影響,影極都唔sharp,就算有腳架都冇幫助,試過加快快門都係一樣.就算暴力PS,最後都只可以係咁.
諗住原路走啦,但朋友係行山發燒友,健議不如由春花落走,斜小小但會快好多,咁既然快咪試吓囉,而且有人帶路唔驚唔識路,行低啲,可以近小小影到列根號,焦距短啲冇咁矇,但都係離理想好遠.而且越行越唔對路,邊只斜小小呀,簡真係亡命懸崖,手腳出晒先掂,有啲被人昆既
感覺.......
沒有留言:
張貼留言