2017年10月26日 星期四

火燒渣甸山

哈哈,係指火燒雲啫,這是十分難碰見的天文現象,坦白講,去影日落而太陽冇俾雲遮住機會都只係一半一半,一啲雲都冇又話清水疍,要咁啱啲雲喺太陽上面先有機會火燒雲,唔係話好似日環食咁一生人可能只睇到一次,記憶中一年都會有十次八次,不過多數唔係翻緊工就係唔做緊乜,總之唔係影緊相,最慘一次係我真係影緊相,不過係影緊長洲東灣,手上只有一支85mm鏡@@


天文台話就打風,咁又去唔太難行既渣甸山試試,最多唔得就補翻個夜景,上次來大霧到空手而回,日落算唔錯喎,冇俾雲遮住,不過地勢關係,前景係一啲斜射光都冇,只靠軟件夾硬拉回來,實際並不是影日落理想的位置.


今次雲在上面,叫糊,呢個位上次來包場,今日有碰見有兩個人,嗰度好窄,我諗四個人已經好迫,現在三個人算啱啱好.天上雲霞久久沒有散去,我以前見人地影到夜景加火燒雲以為係日夜各影一張夾埋,事實上原來係唔駛.呢張係一次曝光就影到.不過天空我係加咗啲味精.


一場來到,自然係補埋個夜景,個景其實都唔錯,最緊要係唔駛行得太辛苦嘛.
張貼留言