去到會場,咦,全部都係打套拳,唔係呱?成日都係咁就走得,問吓工作人員有冇對打,好彩係有,不過要晏啲,玩吓手機先,終於等到搏擊,先係女子組,感覺唔係好積極進攻,埋牙唔夠兩秒又分開.
女子組得幾組,好快就到男子組,都係好奇怪,大家似乎只在一招,打中就算,分開又再打過.唔係好對路,似乎比賽規則就係咁,打中就有分,但唔準連砌,所以打中就要收手,要好清楚打俾評判睇,最好嗌多吓代表打中,連打變咗評判睇唔切.
咁搞法即係玩掂到,都唔駛理係咪夠力度,技術性擊到更加幾近冇可能,除非唔小心一招就搞掂.跳起都冇用啦,出唔到佛山無影腳.
對住多數只係衝埋搏一下既畫面,呢個起尾腳叫做比較特別.
中肚唔知計唔計分呢?睇網上規則話好似唔可以求其掂到,要清脆,有力的表現先算.
決賽分勝負好清脆,一方被撻到,撻人既佔咗上方,做出葉問式出拳手勢就搞掂,唔駛真係打落去.
沒有留言:
張貼留言