2018年8月12日 星期日

山寮影蝶

之前有見人在山寮影到蝶我又自己去,結果槓龜而回.今次跟人去睇吓有冇搞錯位置.


冇錯搭車都係嗰個地方,不過影相嗰個位原來要爆小小林入去,唔怪得我搵唔到.藍嶺之後,個個都預備啲料引蝶.仲要係發過烤既,真係好臭,搞到好似入咗公厠咁.但好有效,冇耐隻目標蝶忘憂蛺就出現,而且停定享受飲料,大家可以慢慢影.


啲人影到唔影,我又試吓影倒影,不過水唔多夠,效果麻麻地.


影影吓地下嗰啲都開始來,不過………係來好多,冇得食會肚餓,太多就變咗食滯.搞到去咗動漫展咁亂到七彩.而且叭地壓住心口唔係好頂得順.


搞搞吓大家發現可以走落下面水面踩住啲石塊,咁就可以唔駛叭地,企喺度影,不過要隻蝶停啱距離,停啱方向先得.我都走落去影咗隻小黃粉,水向低流.嘩,實在太臭,都係唔好影咁耐,橫掂中午咁熱,早啲收工算喇.

3 則留言:

  1. 我也曾去過一次, 區區十零廿米的平方, 郤有著著吸引無數人的關注!

    回覆刪除
    回覆
    1. 我早就是這樣在下邊向上拍了, 不過沒長焦不行啊, 記住了!

      刪除
    2. 聽聽到訪,嗰度地方實在頗細,只得下邊水面同上面石塊可以唔駛叭地,預咗要洗晒啲衫褲先好去 :P

      刪除