2019年3月5日 星期二

愉景灣沙灘攬球

無意中見到呢個活動,冇乜其他地方好去,順便可以睇吓啲有錢佬地方.


個沙灘好大,分別有好多個沙灘攬球場同一個投球場,投球太斯文唔啱我,都係影攬球就算,不過……點解全部都係小朋友來架,即係攬仔,個個pan到矇查查嗰種,我唔想影啲咁既相喎.唔同普通攬球,沙灘攬球個場細好多,用135mm都夠,所以我專登全開光圈玩淺景深.


雖然都係有衝撞,但係同大人,尤其係男子比,力緒差好遠.


就算達陣都係比較論盡,冇乜力感.


好快到中午,要醫肚,行去市集得一檔買薄餅,薄薄一塊齋塗牛油都要30蚊,果然富貴,好彩有窮人救星7仔.三文治36蚊,好過食薄餅.仲可以補充食水,一路食一路好多工人哥哥入來裝免費熱水,7仔多得佢地唔小.翻到去終於有年紀大小小既比賽,活力都係麻麻,好彩都有啲扭抱動作.


都好悶吓,硬係冇乜埋牙,可能呢個運動員聽到我心聲,達陣之後特登送多吓飛身俾我,多謝晒.之後竟然係比斯文更斯文既非撞式攬球,好心唔好整咁既怪雞運動出來啦,都係時候走人喇. 

17 則留言:

  1. 哈哈,你好似要人打大交先夠刺激喎🤣

    回覆刪除
  2. 留住七情上面,是照片的優點。

    回覆刪除
  3. 玩淺景深好靚呀, 男仔會力度大些, 影飛沙係你專長哈, 女仔係咁上下啦, 四張都捕捉得唔錯!

    回覆刪除
    回覆
    1. 謝謝鼓勵,始終都係男仔比賽啱我多啲 :P

      刪除
  4. 呢D比賽,男仔真的.會好睇D,好似女子足球,我每次睇,都覺沒男子足球踢得甘有爆炸力.

    回覆刪除
    回覆
    1. 男子通常力量及速度好啲,不過女子組在講韌力的比賽又幾好睇.

      刪除
  5. 作者已經移除這則留言。

    回覆刪除
    回覆
    1. 最尾飛身搶球好正,笑容仲好燦爛!

      刪除
    2. 所以真係要多謝佢囉,佢特登做出來俾我地影架.

      刪除
  6. 愉景灣交通不便,初開發時是平價樓,現在變成了豪宅,始料不及。

    回覆刪除
    回覆
    1. 原來初時是平價樓,嗰陣買咗就發達.

      刪除