長甫頭攝影

網上睇到華山可以有日落,雖然地景一般,但交通都幾便捷,上水站坐10分鐘巴士就到登山口,啱晒依家唔想坐長途巴士既要求.

網上講到啲路好斜好艱辛,仲話粉嶺嗰邊上舒服啲,不過上水呢邊好似近啲,斜就斜啦.事實上真係濕濕碎,斜度同去菠蘿山差唔多,不過全水泥路.行咗20分鐘左右到咗一個叫長甫頭既地方,幾好冇遮擋可以影到日落.不過咁多時間梗係行入啲,行到好入個景都係差唔多,高就高啲,但好多位前面都有啲草阻阻地,索性走翻轉頭影.

之後就係影埋個夜景啦,其實行翻轉頭仲有個目的,就係可以急步趕到6點半巴士,因為30分鐘先有下一班車.