原本諗住去觀塘工厦影個大景,上到天台個景真係無敵,影晒郵輪碼頭同另一邊條路既盡頭.可惜.....喂,要鎖鐡閘喇,走啦,不單只冇得喺天台影,個保安仲押住我落地下,想喺樓梯窗口伸部機出去影都唔得.一場來到,不如去碼頭影吓幾舊磚日落夜景啦,點知.....幾舊磚冇咗.
不過偶然見到用咗5000萬起既噴泉,手頭得支24-70mm都影吓啲小朋友玩水.有啲太陽光背光啲水花都幾出,不過光圈細,人多雜亂.入夜更加唔夠光影.
於是翌日又約朋友來影,前一日曬到爆,竟然變陰天,冇計,水冇咁出,但冇背光就冇咁黑面,來招衝力射球先.
看天殘腳,85mm同135mm都帶咗來,原本諗住用凳仔坐定定影,不過鏡頭換來換去好煩,最後決定用晒135mm就算數.但就要走來走去.
哈,如來神掌第八式.
影完水花,影埋你個大肚仔.
最後影埋七點半既表演,仲以為原地影,原來表演係另一個池,個個就企喺池邊睇,用到最wide都影唔晒,不過都冇乜所謂,其實個啲花式好普通.
噴水池是冇乜睇頭，我去第二、三次都是陪朋友，我沒有帶相機，怕濕水。
回覆刪除以前東涌嗰個靚得多.
刪除我喜歡看噴水池的水柱隨著音樂節奏高低起伏，但人們走進去玩水就真是暴殄天物，煮鶴焚琴，不如裝條街喉給他們玩好了。
回覆刪除咁街喉畫面冇咁豐富既,小朋友玩得好開心架 :P
刪除我區(Thousand Oaks)的商場 Janss Marketplace 也有個地面噴水池，我孫仔孫女的童年常在夏天到那裏玩水。
刪除https://www.bing.com/images/search?q=janss+marketplace&form=HDRSC2&first=1&tsc=ImageBasicHover
嗰個肯定冇咁貴 :P
刪除香港也有露天的音樂噴泉，不愧為國際城市呢！
回覆刪除做價太貴,有利益輸送之嫌.
刪除5000幾萬喎，去到一定要影下啦。
回覆刪除睇唔出點解要咁貴 :P
刪除你影得好靚, 如果有光更靚。
回覆刪除5千萬音樂噴泉原來係比小朋友玩水, 真笑話!
謝謝你的鼓勵,如果有啲背光起波波就好.俾小朋友玩都有小小價值啦,否則同掉錢落咸水海冇分別 :P
刪除夜晚仲靚!小朋友真係最開心!
回覆刪除夜晚有燈光特別啲,不過再夜背景黑晒就差啲.
刪除