上次去愉景灣觀景台好多樹阻住影得唔靚,老虎頭又好似好難行,而且網上啲相全部都集中有老虎頭個山頭在中間,分分鐘去到都會遮住愉景灣.偶然在網上見到榴花桐呢個地方可影到愉景灣全景,一於出發.
上山入口係愉景灣一個屋苑背後,行咗一段之後開始變得崎嶇,原來都唔容易的.好在唔太長就變翻容易山路,再行不遠就見到冇遮擋既愉景灣,不過角度差小小,我知道再行前啲有舊大石可以再高啲角度影,果然唔錯,不過時間尚早,再行過啲搵位影日落,跨過一小山頭原來可以影到機場加日落,但高度不夠顯得機場比較扁.咁影完日落嗱嗱聲去大石度影埋個夜景啦.居然火燒天唔走得住,照計應該等機場啲燈光啲先走,不過等唔切喇,去舊大石度有一點距離,侷住走,仲要急急腳趕路.
時間啱啱好,不過又出問題,好大風,影極都矇,腳架已經係低角度模式都唔掂,只好開大光圈,加高ISO,越急越見鬼,個天黑得好快,快門又變翻長,最後用到F4,ISO 400先勉強影到一張.早知就去低啲,角度冇咁好個位啦,不過嗰度應該又唔夠時間去,火燒天又影唔靚,夜景又唔靚,貪多嚼不爛,兩頭唔到岸添.
下次再努力 ^_^
回覆刪除謝謝你的鼓勵 :)
刪除第二張真係燈火通明。
回覆刪除可惜風太大影得唔係咁好.
刪除兩張相都各有特式, 很美!
回覆刪除謝謝你的鼓勵 :)
刪除好天真係可遇不可求
回覆刪除但係又搞到太貪心,兩頭唔到岸 :P
刪除哈哈, 估唔到你都有手忙腳亂的時候。
回覆刪除試過啦, 貪字得個貧, 燒天靚既話, 我寧願要燒天, 夜景成日有得影, 燒天好難先遇到一次。
喔！有同感呵！
刪除因為嗰度機場個景太扁,好似唔值得為咗佢放棄個夜景,如果係薄刀刃就一定影燒天啦,夜景係可以下次影,不過上去都好Chur.唔知幾時先有意志再上去 :P
刪除你的實戰很多，經驗豐富，下次一定掂！
回覆刪除再去要用好多汗水,下次唔知係幾時 :P
刪除榴花峒影日落。影完都天黑，荒山野嶺，好想知你點樣走呀？
回覆刪除有電筒就睇到路啦,我只會原路走,避免黑媽媽要搵路.
刪除我中意第一張!
回覆刪除謝謝你的鼓勵 :)
刪除兩張相，一紅一藍，認真好睇，冇得頂！
回覆刪除謝謝你的鼓勵 :)
刪除