華富雞疍仔

一直都好想去呢度影日落,事實上今次係第三次來,頭一次諗住華富村有幾大吖,乜資料搜集都冇做就盲中中走去,結果係搵唔到.第二次確定咗位置一樣都係搵唔到,原來係要水退先會露出來.真係好難架,又要水退,又要好天,又要唔駛翻工,夾咗幾個月先夾到.

多得電視台講一講,去到已經有十幾人卡咗位.好在放腳架位置係亂石,總會有啲唔係咁好放既位冇人,如果係沙灘應該就會腳架貼腳架冇晒位,不過想放前啲低角度就唔得喇,會入咗其他人畫面.今次水退係到極點,得0.7米,成舊雞疍仔露晒出來,反而覺得浸多小小會好啲,或者一米高左右,日落又係冇乜睇頭,最後就只可以係咁.

冇乜好搞,影多啲個天,都係唔靚,早啲收工.終於還咗心願,事實上個景只係普普通通,一次就夠.