見到其中一個劇目係霸王別姬,睇到楚霸王做型我就諗起之前有人影過好似有噴火場面,應該好正.
去到都有啲唔好意思,呢個係攝影班活動,中間前面對正舞台嗰幾十個位霸晒做攝影位,只留翻側邊及較後位置俾其他觀眾,呢啲位真係俾錢都未必買到.一開始都係文戲講講講,不過連埋妹仔有五個人做算唔錯架喇,好多都係得兩個人一碌葛咁企喺度唱架咋.仲有一樣唔好意思就係啲連拍聲,咁靜真係好剌耳,我估有好多1DX mark 2同D5囉,其實文戲唔駛咁啦,我單張都唔敢影得咁密.
期待既武打場面冇乜點出現,霸王戰嘍囉都係點到即止.
跟住就係一味霸王同虞姬喺度依泣,奪命狂講,真係悶到噴汁,後來虞姬舞吓劍先冇咁難頂.
話咁快就到虞姬自刎,咦,噴火呢?哎呀,我記得喇,噴火係鐘馗,唔係楚霸王呀,雖然個樣就差唔多.
仲有一場希望多啲打,奸角都幾型,起碼有武器應該唔會齋講呱?
主角同奸角對打,都可以的,只係我影得唔多好.
玩吓慢快門,之前嗰場虞姬舞劍我都有玩,失敗晒,我見旁邊啲攝影班學生用到好慢快門,把刀轉到成個圈咁,效果一流呀,如果塊面sharp到既話.
主角都幾落力,又打又跳,呢張其實嗰人影咗喺右邊唔係咁靚,好在得佢一個個場又係淨黑底咁滯,好容易就可以用補地補救.
去到都有啲唔好意思,呢個係攝影班活動,中間前面對正舞台嗰幾十個位霸晒做攝影位,只留翻側邊及較後位置俾其他觀眾,呢啲位真係俾錢都未必買到.一開始都係文戲講講講,不過連埋妹仔有五個人做算唔錯架喇,好多都係得兩個人一碌葛咁企喺度唱架咋.仲有一樣唔好意思就係啲連拍聲,咁靜真係好剌耳,我估有好多1DX mark 2同D5囉,其實文戲唔駛咁啦,我單張都唔敢影得咁密.
期待既武打場面冇乜點出現,霸王戰嘍囉都係點到即止.
跟住就係一味霸王同虞姬喺度依泣,奪命狂講,真係悶到噴汁,後來虞姬舞吓劍先冇咁難頂.
話咁快就到虞姬自刎,咦,噴火呢?哎呀,我記得喇,噴火係鐘馗,唔係楚霸王呀,雖然個樣就差唔多.
仲有一場希望多啲打,奸角都幾型,起碼有武器應該唔會齋講呱?
主角同奸角對打,都可以的,只係我影得唔多好.
玩吓慢快門,之前嗰場虞姬舞劍我都有玩,失敗晒,我見旁邊啲攝影班學生用到好慢快門,把刀轉到成個圈咁,效果一流呀,如果塊面sharp到既話.
主角都幾落力,又打又跳,呢張其實嗰人影咗喺右邊唔係咁靚,好在得佢一個個場又係淨黑底咁滯,好容易就可以用補地補救.
「中間前面對正舞台嗰幾十個位霸晒做攝影位,只留翻側邊及較後位置俾其他觀眾」好正！畀唔畀落腳架？
回覆刪除畀落腳架,仲要係三腳架都得,實際上個位咁窄,跟本開唔盡,純粹借吓力,我都冇用,全程手持.
刪除咁觀眾要唔銀買飛，俾你班拍友咁攪仲使睇戲嘅。
回覆刪除應該係免費,要俾錢會好唔滿意囉 :P
刪除全黑色背景易處理
回覆刪除係呀,但係又冇咁靚囉 :P
刪除我就無心機影了, 唔中意睇會覺得好嘈。真佩服你乜都岩影! 不過影裡D都係高難度架, 環境和光暗我實搞唔掂。
回覆刪除咁好多嘢其實都好悶,嘈可以搵啲紙巾塞取仔,要好有趣先影就會發覺到時未必識影 :P
刪除最後一張好精彩!
回覆刪除謝謝你的鼓勵 :)
刪除原來想影噴火,好易燒鬚喎.
回覆刪除咁佢專業架馬,反正咁遠燒我唔到 :P
刪除