上年咁啱要出外去唔到,今年一於影埋巡遊加玩水.
未來過,究竟守街頭定街尾好呢?最後決定街中間,風險最低,終於我知道係由左手面出發,失敗呀,原來可以企正路中心影正面.不過已經走唔郁喇.
有冇搞錯呀?想側側地影正面都唔得.大會只係預你食蕉過咗用wide鏡影側面,之前以為好正既位反而變咗乜都影唔到,塞翁失馬....
死火,我得支135mm諗住影正面,依家搞到張張都幾乎爆框,但又唔係好想轉支24-70mm影到亂糟糟.成個隊伍最多動作就係佢喇.亦都慢慢俾你地影個夠.
側側地都好過冇啦,超花背景就冇得避喇,只好開盡光圈化化佢.
影半身等佢再矇啲.
影埋佢之後既隊伍係完全冇辦法影,因為啲人個個走晒出欄杆,跟遊行隊伍溶為一體,亂到七彩,個個鬥wide,影都無謂.諗住等下一隊啦,原來冇架喇,怪唔得只預一個鐘.之後要等一個鐘先開始潑水,但個天已經等唔切開始落雨,我都無謂等早啲走喇.
原來你去左趁熱鬧。
回覆刪除我經常都係襯熱鬧 :P
刪除仲以為只是封左條街比人玩射水, 原來有巡遊
回覆刪除仲諗住巡遊有嘢睇,有啲失望
刪除這是九龍城嗎？冇潑水？
回覆刪除是長沙灣,有潑水,但落大雨所以走咗 :P
刪除哈哈，我年年都無去，怕被人潑水。
回覆刪除係囉,其實我都有啲驚 :P
刪除如果影潑水係咪相機要做足防水準備?
回覆刪除應該係要既,不過我冇呀,諗住用長鏡遠啲影埋去.
刪除我無去過, 但見到FB友影潑水節好熱鬧, 我應該影唔到, 好多水, 好亂, 我怕我部機當灾~~
回覆刪除没潑你就走人, 你驚濕身濕機? 呵呵~~
亂就應該好亂,就考你功力喇,唔對路可以走嘛,落住雨要擔遮好難影,就早啲走啦.
刪除香港有泰國潑水節巡遊？ 曾經在布吉島過潑水節，可能布吉遊客多，氣氛熱鬧但總覺得商業化了。
回覆刪除香港其實一樣,主要目的係購物節.
刪除人多好難搵到好位影相,可能要一早去罷位。
回覆刪除我已經一早去,都算好位啦,只係冇乜人維持秩序,亂晒大龍,但又有保安阻住影相 @@
刪除未開始潑水就落雨，都唔使再潑啦....
回覆刪除我見啲人都係照玩,主要係帶咗小朋友來玩,走頭佢地唔肯過你.
刪除好唔好玩呀，我無參與過呀！(◐∇◐)
回覆刪除潑水嗰部份我冇玩呀,我見好多家長帶住小朋友去玩水槍囉.小朋友梗係開心啦,攞正牌同人開火.
刪除作者已經移除這則留言。
回覆刪除九龍城果邊精采好多
回覆刪除九龍城都有嗎?
刪除好像沒咩睇頭.
回覆刪除嘥咗時間去 @@
刪除