最近好多人貼珍蝶交尾相,我再睇翻好多年前影既珍蝶相,真係好唔掂,決定去影多次.
係人都知道影珍蝶係去川龍,不過原來已經冇喇,變咗要去大庵,仲好,巴士一落就到,諗住水尾,求其影吓單隻就算,點知去到冇耐真係有交尾.又十幾人圍住,有位師兄話人小喇,上個星期有成三,四十人.影咗一輪之後先發覺有一隻係爛架,好在另一面冇爛,又要排隊再影過.
搞搞吓又多一對,冇死,不過啲人又開始搞擺拍,夾硬搬埋佢地一齊,其實咁都冇乜美感啫.
邪惡冇極限,啲人要玩倒影,我唔係好贊成咁搞,但啲人擺咗唔影又好似好嘥,雖然係靚,但我貼FB都唔敢係公開,費事俾人鬧.
個個掛住影倒影,我就影居然冇乜人影既交尾,慢慢俾心機影靚佢.個個影飽之後好在都擺翻佢地去草堆,否則啲人路過實搞死佢地.
臨走影翻張單隻,今日掛住影交尾冇乜搵單隻,真係好求其,背景好唔掂.
最近真係好多人鬧啲影友，話佢哋為咗影相攪破壞。
回覆刪除點解蝴俾佢地咁攪都唔飛走嘅？
咁搞人地真係唔多好,啲蝴蝶房事中所以唔想走,但搞散既都試過.
刪除咁又真係又啲缺德，哈哈。
刪除唔係幾好.
刪除蝴蝶佢哋有佢哋快樂，你哋有你哋補影樂趣！
回覆刪除我地實在係唔應該將我地既快樂建築在佢地打擾上.
刪除哈, 睇來得我無影過! 我放棄呵呵!
回覆刪除點解要放棄?容易影呀,隻蝶頗定的,聽說佢有毒,冇乜獵食者.
刪除講真香港地而家做乜都有人鬧㗎啦……🤣
回覆刪除雖然都係,但咁做確實係有啲唔係好啱既 :P
刪除都市人真係無乜機會見到碟兒交尾, 我家花園只能看見蝴蝶飛舞花間採花蜜。不過在2012年的新年假期曾到蝴蝶公園見識了蝴蝶冬眠的狀態。
回覆刪除https://usweiwei.blogspot.com/2013/10/2012-2.html 2012. 新年三天遊(2)
刪除其實蝴蝶交尾都市都有,不過是否碰到要看緣份 ;-)
回覆刪除