大角咀航拍

記起以前出過一號銀海對出影日落,景係麻麻,但航拍可能好啲,同埋都想試吓影日落.

奧運站落車已經望到海邊,但香港啲路係咁,硬係擋住過唔到去的,卒之行咗好遠先搵到天橋入去,搵唔到冇人既空地,唯有在緩跑徑起飛,又有警告,私人地方禁飛,後果自負.冇咁誇張呱?我都見到頭頂有另外一架航拍機,坐監都有人陪,一於照飛.影吓啲貨船先.

原來配件之中係有一個加強訊號既鑊仔,今次加埋,但冇耐又話訊號弱,好以冇乜用,唯有續小慢慢飛.其實唔係飛好遠咋喎,可能因為週圍都係鐡絲網干擾到啲訊號.來個比較大既景.

之後就係最大挑戰影日落,呢日好好彩有火燒雲,我見人地既相好壯觀,不過唔知點解呢度就只係咁.原本諗住可唔可以影幾張夾,原來飛機在天上係郁得好緊要的,差唔多同影小花子咁上下.反正光差又唔係十分大,就決定單張拉下光暗就算數,自動對正都冇搞.