2021年9月6日 星期一

孖子徑山

呢度個景睇相一般,但作為一個可以睇到日落既高位,仲可以配搭到小小城市景,唔太難行既原則下都可一去. 睇介紹可以由兩個方向上山,一係城門水塘經麥理浩徑六段,但最後十分鐘會頗崎嶇不平,一係由金山嗰邊上,但會多半個鐘路程,咁我呢啲心急人梗係揀快嗰邊啦.


事實上冇介紹講得咁難
,只係路面稍為岩殘同大級啲,冇乜浮沙碎石,比起真係難既只係一件疍糕.本來只係求有個日落景,估唔到有啲燒天,意外的收獲.


之後順手影埋另外一個角度既夜景
,就咁喺標高柱位影正前方有大樹擋住,行側小小另外有個位冇咁阻.雖說落山好快,但到咗出口其實仲要成半個鐘先行到出小巴站,都唔係話真係咁近.入黑後唔知係咪知道冇乜人搭特登整疏咗啲小巴.明明話10-20分鐘一班,最後要30分鐘先有車,未計我唔係接車尾,見到有車來居然喺出面停低,幾驚又好似上次去馬草壟咁俾佢走咗,猛用電筒閃佢等佢入來.

6 則留言:

  1. 以島兄走遍大江南北影靚相的經驗,這條路對你來說當然冇乜難度了。

    回覆刪除
  2. Philip 為影燒天靚景, 岩殘同大級都是易行之路, 令我佩服。

    回覆刪除
    回覆
    1. 其實難行嗰段路唔係咁長,都OK啦 :P

      刪除