繼續對抗反光

隔住玻璃影相真係一件好麻煩既事,之前試過好多方法唔係效果唔多好就係太麻煩,尤其去旅行,係唔方便帶埋一舊二舊去,而且好多時係要一個人影,冇人幫手,工具選擇更加小.

呢塊好似鐡餅咁既嘢其實係一個可摺疊遮光罩,專為對抗反光而設計,摺疊設計可方便擕帶.

張開之後就係咁,摺疊唔一定要直出直入,可以摺某啲角度方便斜向構圖時仍可貼實玻璃.

 

接下來試試效果,這張只用鏡頭原本遮光罩,由於要斜向構圖,未能貼實玻璃,反光非常嚴重.

 

 

之後加上遮光罩,好明顯係有作用.但發覺下面有小小睇灟眼有條線,用既時候要好小心,另外安裝比較土炮,只係靠個窿比鏡頭細小小夾硬塞入去.一受力好容易甩,尤其係要擺角度既時候.對於分秒必爭既場合,例如影夜景襯個天仲藍要轉位就好論盡.我上次去澳門都有用佢,就係搞來搞去都甩搞到個天黑晒都未得,最後只好夾硬影.如果係我設計就會啤埋個瀘鏡接環,用收螺絲方式連接,咁就最穏陣,最多呎吋唔啱再加轉接環,好過依家為咗平,為咗萬用搞成咁.