無意中睇到個活動,諗住又係搭兩點船啦,點知……冇咗喇,原來9月28日已經取消咗.侷住搭3點25分船,浪費咗人生既個半鐘.上碼頭時竟然碰到一齊摸門釘既三個人,佢地已經睇完走人,原來可以租船的,又長知識.
好在只係十幾分鐘船,沙螺灣村也不遠,行十分鐘就到,第一件藝術品就係呢個叫千里眼的東西,全部係用樹騰人手織成的,不過我同意網上形容,似進擊的巨人多啲,我特登影埋一對父女,可以睇到佢有幾大.
旁邊有另一件藝術品,據說係模仿水滴,上面既膠管有水流動的,呀…藝術既嘢真係都幾抽象.
好在只係十幾分鐘船,沙螺灣村也不遠,行十分鐘就到,第一件藝術品就係呢個叫千里眼的東西,全部係用樹騰人手織成的,不過我同意網上形容,似進擊的巨人多啲,我特登影埋一對父女,可以睇到佢有幾大.
旁邊有另一件藝術品,據說係模仿水滴,上面既膠管有水流動的,呀…藝術既嘢真係都幾抽象.
行翻另一個方向就有第三件作品唔記得是甚麼龍.幾普通但我見佢夜晚着咗燈都幾靚的,現場環境絕對唔係咁,作品旁邊係超多雜物的,我又唔想影直度,事後搞咗一大輪.
其他細件藝術品或者小學雞活動我就冇興趣喇,而且其實4點半就完,我另一目的就係去觀景台Pan飛機.原來都幾遠,我得支135mm加埋1.4增距,實得189mm.再裁到APS-C多啲先有咁大.但實際最大問題係架飛機好慢,1/30秒都冇乜效果,再慢又實在太震搞唔掂.
再影埋起飛,架飛機近啲大架啲,同埋地面雜物多比較有效果,可惜角度係對住飛機屁屁,只係影來玩吓.
最後就係碼頭影埋個日落先走人.尾班船係6點22分,要搏大橋開燈就要坐尾班,5點半嗰班就快到碼頭,算啦,個位都唔係乜靚位,早啲走翻屋企食飯.
D藝術品睇落沒乜吸引力
回覆刪除哈哈,係有啲比較粗糙 :P
刪除兩件藝術品超大，不過，沒有美感。
回覆刪除哈哈,係比較求其 :P
刪除藝術我真係唔識，而且這幾件嘢都感受唔到藝術成份，我果然無藝術細胞。
回覆刪除哈哈,我同你一樣都唔係好識藝術 :P
刪除藝術呢家嘢，我都冇乜天份....:p
回覆刪除哎呀,個個都咁講,藝術家一定好失望 :P
刪除藝術這傢伙，确是難懂，希望再接再勵。
回覆刪除要陪養吓自己藝術細胞 :P
刪除樹騰人手織成藝術品，希望再接再厲，下次有更好的展示。
回覆刪除個巨人我覺得係最有誠意,其他太求其.
刪除巨人同水滴都幾特別,原來沙螺灣也有藝術展
回覆刪除巨人我都覺得有啲難度,水滴就.....個藝術展我都係咁啱見到.
刪除郊外有藝術品, 又幾特別噃, 哈
回覆刪除偶然碰到,好過淨係得花花草草 :P
刪除個千里眼的作品都幾特別下。像這類大件作品多嗎?
回覆刪除千里眼算係幾靚,大件既係得呢三件咋. :P
刪除