坐老婆最推薦既松山欖車上觀景台影出去,白茫茫一片,都係算把啦.
相信大家去澳門都去慣去熟,尤其我地行程冇乜特別,冇乜好講,想講吓住既酒店,原本冇乜期望,估唔到個view都唔錯喎.這興起了我想影夜景的念頭,但係........冇腳架 @@
再過去朋友間房睇睇,望到泳池,老婆知我要影相,佢覺得呢邊靚啲,就叫朋友換俾我地,真係唔好意思.問題喇,冇腳架點影夜景?冇錯係可以開大光圈,高iso手持影,不過一場來到我想影靚啲.其實搵啲枱枱凳凳砌個平台放相機唔難,但變咗只可以水平取景,想相機向下就..........終於我出動我既銀包......咪誤會,唔係去買腳架咁敗家,只係用佢攝斜部相機,加其他雜物調埋個水平,都花頗多氣力.唔敢用到二,三十秒快門,Magic hour得一陣,搞彎咗就弊,最後係用六秒搞掂.
再影wide小小,其實歪歪斜斜唔係咁好睇,一場來到都照影啦 :P