難得有比賽但天文台話會有狂風暴雨.睇翻大會網頁又冇話取消喎,既然係咁都照去啦,最多唔對路就走人.
為咗更有效果,今次我增加難度挑戰1/50秒,炒相率大增,但出來效果又係比較出,一時手腳慢,搞到好似面璧咁添.
嗰日來影相人好多,個個都唔驚落雨,搞到我都坐到好邊吓,咁都好既,可以影到轉彎位,不過矇成咁其實都唔係好覺畫面有三個人.
天氣出奇地好,出埋太陽搞到要戴帽,不過差唔多到中午時成個天黑晒仲刮起大風,睇翻天文台兩量紀錄,將軍澳已經落緊雨,睇怕就快來到柴灣,大會宣佈將工作人員午膳時間縮短至15分鐘,盡快繼續比賽,原本我都想下午換一換位補啲正面起步相,都係唔博喇,好彩上咗港鐡先開始落雨,越來越大原來已經變紅雨.