新一代旗艦級相機不斷在追求最高速連拍張數,甚至可以去到每秒120張,仲勁過拍片,加埋預拍,幾乎萬無一失.要影到雀鳥起飛,射出既箭,球拍剛擊球一刻已經冇乜難度.但副作用就係有好多相.
我一直認為有得揀好過冇得揀,所以我永遠都係開最高速連拍,有時差小小恨不得兩張中間最多一張就好.但原來好多人唔係咁諗.唔小人都係用最低速連拍的,認為只要係連拍就可以,唔想事後咁多相要揀.寧願影唔中都唔要揀相,連拍的意義在哪裡?
最近啲新機都加入咗對焦包圍功能,對於景深堆疊真係福音,由每張都要自己扭對焦環變成按一下就搞掂,甚至單手操作都可以,唔駛咁多動作冇咁易郁咗都唔知.但原來又係冇乜人用的,一影就10張太多相,索性影細粒啲再裁大就算數.
呢度未來過,有人影蝶,不過出名係影蟲,尤其係細既蟲,好多時都必需要依賴閃光燈,所以帶重架生,100-400就唔帶喇,改帶180微距,1.4x及2x增距,腳架同兩支閃燈,等於夜攝的設備,但唔駛電筒同埋鏡頭前LED燈.
要令微小既昆蟲背景唔好黑媽媽有三種方法,一來就試最難既,就係慢快門,或者高iso吸收背景光,呢種蜘蛛超細隻,加咗2x要收到F11先夠sharp,而且要向上影,香雞腳架唔係好夠力,鎖死咗都有啲郁,快門要去到1/30秒先勉強頂得住,仲要冇風,搞咗成個鐘先影到.
原本用慢快門主體要唔郁先得,但都可以搏吓,光圈開到比較大既F5.6,用1/80秒快門摶到一張,可見到腳仔移動的殘影.
第二種方法就係找個主體背景不遠就有物體的,咁閃燈就可以同時照亮埋,最容易但也較被動,由於是散景,只要綠底包到主體就可以,其他位置有穿崩補補佢就得.
一唔係裁走佢都得,呢隻角蟬勁細隻,影到眼花.
最後一個方法就係用另一支閃燈照光背景,呢張如果冇用,黃色葉後面就會係全黑.
蟻既背景更加遠,但其實更加好,太近既話一來好難控制啲光唔唔照光埋主體,二來一個雜亂背景照光咗一樣都係會好雜亂.
之前都見過人用這種手法,今次自己去體驗一下.
做法好簡單,在頭頂掛一塊銀色鏡面膠布,有反光但又有啲唔係好平,就會有波紋效果,略嫌Model冇望向水面,唔夠真.
影晒全身比較似浮在水底,有個問題係會見到企直既腳,我原本有諗過執走佢,但啲衫又好似唔多自然就作罷.仲有一點最唔好係用咗最懶既黑底,如果藍底會似淺水多啲,依家黑底又近海面,應該係游緊夜水 :P
要兩隻腳都見到不着地,除咗跳起之外,仲可以坐喺度,用衫遮住張凳.咁就可以模擬個人向下濳喇.
之後例牌玩吓慢快門轉圈,可能有啲人未影過,影極都差啲,被要求安哥咗好多次,進脹幾百張相.
其實現場地板都有舖鏡面膠布的,用來模仿下雨後的水面,我唔想個人太細冇乜點影,見人地可以要求Pose,我又要求可唔可以瞓地,咁影到成個倒影個人又可以唔駛太細個.我見到有啲人同時影埋天花同地面既反光,可能想表達去到神仙景界 :P
