搵咗一輪資料搵到呢個計時快門線,佢事實上係設計來俾人影縮時影片的.可以輸入第一張按快門之後幾耐影,隔幾耐影一張,總共影幾多張.第一個功能就解決咗10秒走得唔夠遠既問題,不過佢有個缺點係要入電,而且.......居然係冇off掣的.搞到成日要用先入電,唔用又要攞翻出來頗麻煩(其實都唔算太麻煩,不過因為懶,同埋次次影風景都掛住影景,搞到冇乜點用佢).
前排公司要我為活動影大合照,我又記翻起平時影合照既一個問題,首先絶對係唔可以假手於人,就算當佢人肉腳架,設定10秒延遲,我都試過係裁走咗小小腳的,所以幾麻煩我都會帶腳架.另一個問題來喇,咁多人既相實要影多幾張防止有人合眼,表情怪等.原來人係好心急既,影完一張先走去部機度按快門又等10秒竟然有人唔耐煩,要求其搵個人狂影,結果就係得第一張用得.有咗呢舊嘢之後我就可以叫佢連續影5張,唔駛等我走埋去搞,估唔到竟然主要用途變咗係咁.
沒有留言:
張貼留言