有消息這裏蝴蝶大爆發,而且有一隻新蝶叫瑪灰,好大誘因去一次,不過真係好遠,好遠,好遠,要講三次,先要搭巴士去元朗,再轉巴士到新生村,再行半個鐘.
終於來到但似乎冇乜蝶,只有啲爛爛地既中環蛺,可能啲龍眼已經冇得七七八八,蝴蝶冇嘢食,山長水遠入到來搞咗一陣都差唔多中午,食埋個包冇乜轉機就走啦.終於小東西出現了,上次去鹿頸我都見到佢.不過當時用盡洪荒之力都影佢唔到,停埋晒啲鬼鬼怪怪位,今次係平地但頗暗,開到F5.6光圈都要1/80秒先夠光.景深極淺,影到好細隻都要夾兩張,再想影大啲就飛走咗.
整得兩整仲落埋毛毛雨,暗上加暗,見到我未影過既牛肉乾,可惜又係停埋啲亂石度,仲要前面有草阻住,好麻麻.
下午多咗蝶出來,終於見到唯一一隻目標蝶,點知右面幾乎爛晒咁滯,靚位都冇用,只好集中影左面,停地面又斜斜地都冇計.
終於有隻比較大隻啲既蝶,應該係來食半乾既龍眼.冇預咗搞到咁晏,水已經冇晒,侷住走,出到去開始變大雨,好彩走得快.
真係好遠,好遠,好遠.....幸好有些收獲！
回覆刪除哈哈,好在緊持咗一陣間 :P
刪除佛門清靜地，當然要遠少少啦....:p
回覆刪除哈哈,俾我地啲影相人搞到唔清靜,不過我都聽到佢地唱帝女花. :P
刪除哈哈哈哈....師主你誤會嘞，佢地未必唱帝女花，只是將帝女花的原曲"妝台秋思"重新填上歌詞成為佛歌而已，師主，咁都比你聽到，你與佛有緣呀！
刪除原來有啲咁既二次創作 :P
刪除靈渡寺..聽個名好似唔食人間煙火咁
回覆刪除確實係佛寺來.
刪除你終於都去左影哈, 都尾聲了, 近來都無人去啦。
回覆刪除我去嗰陣啲龍眼都謝晒喇,但平日都有十幾人 @@
刪除呢排好多蝶影.
回覆刪除熱天應該都多.
刪除靈渡寺是香港佛教的發源地，可惜我未到過。
回覆刪除原來咁經典,我都係第一次到.
刪除第一張好有感覺……🍂❤❤❤❤
回覆刪除謝謝你的鼓勵 :)
刪除靈渡寺見有網友都專程去影蝴蝶，是否有好多品種呢！(•ω•)
回覆刪除都有六七種,去主要係有啲不常見品種.
刪除Philip兄，蝴蝶大爆發，是福是禍？中環蛺，好特別的名字，真有趣。我已恢復寫博，有空請過來指導下。🙏🙏
回覆刪除好耐冇見喇,歡迎你翻來,中環蛺其實係好普通既蝶,好多地方都有 :P
刪除