笔架山公園

這次又來到國內影風景,唔想咁夜落山就揀啲唔駛撐咁高既地方,地鐵站附近就係入口,上山也不過半個鐘左右既事.路線好清晰,是我喜愛的樓梯級.

景就麻麻地,一般城市夜景,觀景台真係比香港好得多,起碼唔會被啲樹遮晒,有欄杆地面又四平八穏,消閒路線,可以見到一個甜甜圈咁既建築物.

轉個角度影埋另外一面,落山都仲好早,就啱晚餐時間.

久遺了的水球比賽

自從舊攝影會停止運作,三叔體育節又唔再開放落泳池邊影相,已經有好多年冇影過水球.原本諗住新攝影會只會影吓風景,旅行等題材,點知都有啲運動比賽影.

咦,點解個場間細咗既,得翻半個泳池,分分鐘龍門射龍門都入,失驚無神中場就來一下遠射.

要盡量影多啲有水花既先得.

九龍公園泳池雖然係室內,但頂部係透光的,雖然陰天,ISO都唔算好高.

正一烏鴉口,轉個頭落雨成個天黑晒,得翻室內燈光,快門降一檔之餘,ISO要谷到4000.幸好現在軟件降噪做得幾好

唔好成日淨係影龍門,都影吓中場爭奪.

嗰日都有女子組,細場設計其實就係女子組比賽標準,可能係咁費事改個場吧.

再訪北區公園

不經不覺又一年,雖然熱到爆炸,但陽光充沛,啱晒去影活耀既相思仔.

 又係去翻上年個位,先來個張翼,陽光充沛甚至可降低一點Iso.

而且仲可以有藍天,終於影到彈起一刻.

天有不測之風雲,大睛天居然有舊大雲飄來,冇咗直射陽光Iso即刻上升.

越來越暗,只好影吓靜態既太陽女.

唔知邊度飛咗隻黃色鸚鵡來,索性降低Iso用慢快門影佢.

再訪流浮山

睇天文台潮汐預報,原來有幾個月朝早都係係冇潮退的,下午又好多地方背光,難得有一日上午有兩個鐘左右係退潮,去翻轉流浮山先.

今天的海鷗飛得好慢,可以慢慢影多幾次.

終於見到目標鳥,上次錯過咗,不過,呀..........你整個咁既Pose.

遠處船上好似有鳥拍翼,有充足時間準備,隨住目標慢慢接近,原來係好嘢來架.

呢種鷸仔又細隻,又飛得快,而且一般唔會飛得好近,襯佢降落打開翼先影得比較大隻,地面咁多蟹仔肯定可以食餐飽,好快水漲到一米,其他地方都仲可以影一陣,流浮山係已經浸晒,唔走都冇用.

無人機表演

成個七月溤星期五,六都有無人機表演,可惜幾乎成個七月都係日日落雨,好不容易有一日天色比較好.估唔到都唔係好多人影相喎,啱晒唔駛驚腳架畀人撞到.

我唔係好鐘意黑背景,要天未全黑前影咗個背景先,問題來喇,唔知點預位,大廣角陳間要裁好多,影得敏又驚出界,好彩有預演,睇咗人地啲相大概預到位.開到最wide就啱喇.先來一個波.

原來今日主題係太空,最有代表性一定係太空人或者太空船,除咗藍天,我很在意廣角鏡低炒搞到啲大厦斜晒,雖然事後拉翻直係得,但會同時影響埋個天,太空人手上既波會變咗橢圓形,記得之前可以拉翻長但搵極都搵唔到個指令,硬係要保持住個比例,續個試原來係要用扭曲先啱.

仲有紫荊花,同太空有點風馬牛,不過係香港市花都講得過.

我唔係好鐘意出字既圖案,咁都會照影,真係最wide都影唔晒.原本底景只有一張,但影到無人機夠光原來海面反光都夠光,有啲蓋咗在底圖上.

最後來個大回航,之前已經儲定記憶去慢快門,事後諗翻應該加埋連拍,話唔定可以成個回航軌跡駁翻出來.