呢排又限聚,又落雨,宅到爆,夜攝冇咁多限制,解吓毒.
都冇乜期望,求其搵啲嘢玩吓疊景深.果然有蜻蜓,不過係背脊對住我,唔緊要,我就影你頸部結構.佢好細隻,影到1:1再開埋APS-C模式個頭都係得一半.原本可以加埋個1.4增距.不過咁會超難影.景深超淺要疊多好多張,而且穏定性好差,分分鐘會失敗.現在1:1好容易影咗4張就成個頭清晒.
草蜢應該實有既,有之餘居然係交尾,我太注意後面嗰隻個頭要清,結果只影咗三張,兩張係兩隻草蜢個頭,一張係前面嗰隻既大腳,欠咗交尾嗰度,好彩唔太矇,同後面隻腳矇咗.想再補佢地已經郁咗.
草蜢食草,只影到一張佢就轉好古怪角度,冇辦法,個大脾矇咗.收獲咁小其實好大原因係早走咗,以往都影到11點,依家9點就走,年紀大唔想捱咁夜.
今篇係昆蟲篇。
回覆刪除是的 :P
刪除哈，交尾咁都俾係影到，勁....(⌒o⌒)
回覆刪除要靠啲運氣 :P
刪除第一張像生物解構。
回覆刪除哈哈,我最鐘意玩呢種,不過幾難影 :P
刪除咁都影得咁靚，好叻！👍🏻
回覆刪除謝謝你的鼓勵 :P
刪除清, 靚, 正!
回覆刪除謝謝你的鼓勵 :)
刪除放大咗嘅蟲仔都幾得意，唔太肉酸。
回覆刪除我覺得佢地好靚呀 :P
刪除"交尾嗰度"就算比你影得清都要打格仔啦，唔係點過電檢處嗰關呀！
回覆刪除我諗住出四仔碟咋 :P
刪除好靚喎👍
回覆刪除第一張似外星人喎❣
外星人存在嗎 ❓ 我唔知道喎 ❗️
google找吓 〖全球十大奇特昆虫动物外形似外星人毛毛虫-搜狐〗
都幾得意, 睇吓都唔錯嘅(•‿•)
謝謝你的鼓勵及介紹.昆蟲放大後確是很多驚喜 :)
刪除真係好高清。
回覆刪除明日中秋，節日快樂啊！
謝謝你的鼓勵,祝中秋節快樂 :)
刪除謝謝分享
回覆刪除謝謝你的鼓勵,祝中秋節快樂 :)
刪除我見到昆蟲就怕怕, 不過你又影得幾可愛。
回覆刪除謝謝你的鼓勵 :)
刪除