這地方其實都幾費腳骨力,幾乎全部係樓梯,不過就最啱我,唔會跣,唔會迷路,付出多一點氣力實在不算甚麽.
終於到了樓梯盡頭,再去就係上發射站的普通泥路,今日既雲有啲空隙,透出所謂耶穌光,可惜時間早,大厦又未開燈,但唔影又驚陣間冇咗,之前影HDR一定係開腳架,懶之下我試吓手持再用PS對正,結果係搞得掂.
時間尚早,行去發射站睇吓位置會唔會好啲.證實係冇嘢睇既,好多樹阻住,去翻樓梯盡頭,樓梯側邊係好多樓既景,今日主力唔影佢啦.
原本想等到接近開燈先影個耶穌光去夾,不過越等越唔對路,光開始變小,嗱嗱啉影咗先再等開燈,今次真係要開腳架喇,冇可能手持等半粒鐘,開燈後光線好暗亦都會手震.
最後張相，石屎剝森林都幾震撼。
回覆刪除香港實在太多人喇,到處都係石屎森林 :P
刪除登高啲影遠啲^_*影完後落山咪好靜？
回覆刪除係架,影完就係自己一個人開住電筒摸黑落山,頗恐佈的 :P
刪除好似好高喔, 要行几耐呀? 美拍!
回覆刪除都有488米,幾乎全部係樓梯,上山一個鐘多小小.
刪除我坐定定欣賞你D相, 你好識取景, 但你要拿攝影器材, 上落488米樓梯路, 真係辛苦你啦!
刪除謝謝Wei-wei的鼓勵,上落樓梯辛苦架,如果單做運動未必咁有恆心,影相做目的可以增加一點動力 :P
刪除耶穌光的確好靚，但影時時刻刻改風景真喺可如不可求
回覆刪除天氣既嘢好難講,純粹係運氣決定.
刪除這裡估計是扎山道附近吧，我覺得第一張耶穌光靚啲！
回覆刪除由慈沙古道上,中間會經過沙田拗道.耶穌光來講係第一張現啲,最衰掛住上測量站睇環境,否則用第一張既光夾夜景就最好.
刪除都好靚啵！辛苦少少都好值得，當運輸。
回覆刪除我都係諗住當運動,冇嘢影就影啲樓既夜景 :)
刪除慈雲山........高危
回覆刪除依家行山都真係有啲危險,幾乎冇人戴口罩,見到只好背轉身 @@
刪除未踩過呢條線，有機會都想去行下。但要行成粒鐘樓梯... 攰
回覆刪除哈,都幾攰架,但全程樓梯,好安全 :P
刪除可以打的上去影!哈哈!
回覆刪除可能可以近啲.
刪除