Yahoo年代舊址好多小問題要解決,例如自己換晾衫架繩,做冷氣機引水管,落街鋸矮個櫃等.......自從搬咗新居,好似冇咁多麻煩嘢,呢方面既積極性都差咗,物件爛咗就換.
呢個係食飯枱既玻璃面,揀玻璃係貪佢夠硬,唔駛鋪枱,可惜當初驚唔夠位出入買細咗,變咗長期係開大狀態,問題來喇,唔鋪枱如果食到枱面有餸汁或者湯之類液體,就會經由開大枱面既接駁位流落地下,只好小心啲食,一有液體就抺咗佢,頗麻煩,就咁忍咗好多年,同老婆講不如換咗佢.
出去姨媽傢俬睇咗幾張諗住買,點知老婆話不如淨係買張枱面放上去咪得囉,咁又係喎,不過木枱面會花,最後就走咗去玻璃舖裁一塊翻來.但係都要固定佢比較安全,原本諗住用玻璃膠,不過好樣衰,結果就係四塊雙面膠紙就搞掂.變咗呢個雙層結構喇,原來都幾重.
太太好計！
回覆刪除是的,慳翻張枱 :P
刪除哈，辛苦你搞啦，用得番張枱都好嘅！😉
回覆刪除哈,為地球出一分力,好偉大的 :P
刪除我嗰張都係可放大嘅玻璃枱，但我從未放大過，原枱面都夠用，所以不必僭建。
回覆刪除如果只係偶然放大一兩次,可以鋪枱面.但係我長開就搞搞佢好啲.
刪除咁都想到幾好喎，又可省回買過張新枱﹗
回覆刪除哈,為地球出一分力,又嘥翻啲錢 :P
刪除夠環保呀
回覆刪除又可慳錢 :P
刪除食飯枱都可以僭建，能人所不能，厲害。
回覆刪除謝謝你的誇獎 :)
刪除喔~ 這是玻璃枱上的玻璃!
回覆刪除係呀,都幾重 :P
刪除哦, 咁樣又慳返一笔!
回覆刪除好過掉咗佢啦 :P
刪除幾好啊,太太好有計!
回覆刪除是的,慳翻張枱 :P
刪除最緊要啱用，就算比錢買過一張新的都未必百分百理想啦。出少少計又慳番一筆，掂呀！ 😆👍💪
回覆刪除咁又係,買過張新既都冇自己度啱塊玻璃咁啱 :P
刪除