上這山主要是見到有人影到一條路橫過城市構圖幾靚.前段多數係我最鐘意既水泥路,不過就幾遠水路吓,行咗好耐先見到上山既泥路,之後路況就差得多,好大塵,我要盡量踩住啲草行,否則對鞋唔駛要.
去到山頂離遠望到我要既景,但好多樹遮住,要另一方向落山繼續搵,越落越唔對路,啲草開始成個人咁高,再去既話陣間走真係好驚,搵來搵去,有一個位草比較低,舉高相機就可以影到條路.哎呀,我估人地都係咁影,又好似上次鷓鴣山咁,只可以手持.
一場上到來都影埋個日落同夜景先走啦,日落好側,只係影到山下矮屋,今日又清水疍,影影吓決定放棄去影條路,腳架開到最高都係咁,事後PS努力仲一輪都係無法重建到,睇來要搵人借支超高腳架先影到.
第一張氣氛不錯喎！
回覆刪除謝謝鼓勵,可惜只能手持,否則可以影埋夜景.
刪除祝你
回覆刪除金牛獻瑞
新年快樂
身體健康
一切順利
心想事成
遊走四方
謝謝祝福,祝你身體健康,心想事成,恭喜發財 :)
刪除第一張幾好
回覆刪除我覺得而家山上樹太多，常常擋住啲景
謝謝鼓勵,香港啲樹都冇乜人理,好多時啲觀景台都係俾樹遮晒 @@
刪除島兄，其實你都好有探險精神噃....:p
回覆刪除我唔算啦,應該有人啲草高過頭都照剷入去 :P
刪除第一張有未來都市 feel，正
回覆刪除謝謝你的鼓勵 :)
刪除祝你新年如意吉祥, 平安健康。
回覆刪除下次要帶把刀去, 把遮住的樹砍下哈哈~
祝你身體健康,事事順利,可能要帶闗公把青龍偃月刀再加增長手柄先掂,因為阻住嗰啲樹都幾遠吓 :P
刪除祝 新年快樂 身體健康 百毒不侵 牛年行好運
回覆刪除謝謝,祝身體健康,事事順利.
刪除