最近部機個Mon開始神神地,初初以前用完反Mon冇壓翻緊,大力一按多咗一忽藍色,好在只係畫面邊緣.有點擔心佢就快出事,而Sony終於推出咗可以用到石器時代扭螺絲對焦鏡既轉接環.就決定去搵定部後繼機.
個接環得兩部機可以支援,最貴既A1唔駛諗,即係侷揀A7 R4,想買嗰陣又出咗部A7 R4A,只係個Mon靚咗就貴一千蚊,猶豫咗幾個星期,個價跌到只差300,咁就A7 R4A啦.
為咗用得翻舊鏡,要無端端多舊嘢,都幾樣衰.接下來就係試吓係咪真係用得翻晒啲鏡,結果.....有三支用唔到.180mm微距,200-500mm直情彈出唔支援警告,乜都郁唔到.200-500就算喇,反正唔係用咁多,微距就慘喇,仲諗住新機多像素好裁啲.而家變咗舊機一定唔可以死,因為無反係冇出過180mm微距的,俾錢都冇得買.仲有支Sigma 50mm對焦古古怪怪,移來移去最後都係唔中,要用只可以手動對焦.原本諗住對焦點闊咗可以開盡F1.4用,依家又冇行.最得益就係支300mm F2.8同埋支24-70mm,終於可以用到外圍對焦點.唔知係咪我全部都係舊鏡,我發覺個全畫面眼部對焦唔係太可靠,時中時唔中,都係要縮細對焦範圍先準.
諗住買部機就算唔花咁多錢,點知條快門線又改咗接頭設計,仲要貴到死,山寨貨都要二百幾.依家侷住影微距就一定要帶舊機,影人仲煩,要帶兩部機.因為舊機要唔好咁操勞,否則佢壞咗就冇得影微距.
咁咪好慘，用唔番啲舊鏡，萬一部舊機真係壽終正寢，啲鏡頭就要報廢。
回覆刪除係呀,所以依家舊機要鍚住用.可以用新機影既就用新機 @@
刪除要影靚相真唔簡單。
回覆刪除係好敗家 :P
刪除我最近在星際賣咗NikonD7000與騰龍18-200，得回$800，我騰龍18-200是買二手，我是小學生級，用相機簡單為主，現在祇有NikonD500及騰龍18-300，一機一鏡走天涯，相機與鏡頭都很多學問，自己玩不起。
回覆刪除平有平玩,貴有貴玩,都一樣影到相,冇問題既 ;-)
刪除嘩！就係專登改個插頭，令到你唔買都唔得，都唔係價錢嘅問題，係實在太唔環保，所以手機決定，全部統一所有插頭都係啱。
回覆刪除手機其實都會係咁,屋企啲Androids义電慢慢變廢物,新出的全部係C頭 @@
刪除終於都換新機了,哈哈, 180都几常用喔, 你影生態, 仲要帶二部機, 嗯, 有些煩喔, 重新買曬D新鏡啦哈哈
回覆刪除哈哈,終於都要入坑,180冇新鏡買哦,要等副廠出先有機會.
刪除在我們那個年代，冇身家唔敢玩相機，所以一直我冇跳落火坑，Philip 你係專家，工欲善其事 ，必先利其器，需要喎。
回覆刪除以前玩影相真係勁貴,現在都可以好平.
刪除哈哈, 又有新玩具, 可慢慢玩啦,我二哥由細已玩影相,真係要使好多錢在相機中! o(^▽^)o
回覆刪除哈哈,正一骨灰級嗜好 :P
刪除聽音樂嚟講，Sony始終都係我心目中嘅number one，影相我就唔識……🧐
回覆刪除其實我都係用開Sony買到成堆鏡,冇得轉,不過到咗今時今日,個個系統都唔會差好遠既.
刪除