偶然知道有這個館,但係已經冬天,會唔會啲爬蟲已經去晒東眠?唔理咁多,走去睇睇.
以為政府嘢都係拍烏蠅多,點知估錯,超多家長帶仔女來玩,影相都要排隊,影呢啲圈養爬蟲一個大問題係佢地都養到好懶,成日都係喱埋休息,好多時唔知喱咗去邊,就算見到都係一舊,難得見到個蛇頭正面,機會要把握,之後再見佢已是縮埋一舊.
小東西,最啱用微距鏡,但我嗰支係180mm,而室內光線非常弱.快門只有1/10至1/15秒,用咁長肯定手震,如果有百微該不錯,不過我覺得24-70mm其實也好好,放大率有翻咁上下,最多事後裁一裁.
成隻睡羅漢咁又扁又平最好影,咁啱佢個位又有直接燈光到.
全部都喱埋晒,先到室外走走先,有最親民的大龜,手機都影到.
行一陣公園再入翻去,剛才縮作一團的青蛇終於露出小小頭,機不可失.
原本影背脊冇乜好影,可能佢知我影佢擰咗小小過來,千載難逢的機會.其實來呢度都要預啲時間等,我搞咗咁耐依然有啲物種冇浦頭影唔到.
擰咗小小過來就是很好的甫士啦!
回覆刪除諗住要放棄點知佢肯幫手 :P
刪除成隻睡羅漢咁,重有個大肚腩﹗
回覆刪除成日瞓同食好難唔肥 :P
刪除斑紋蜥蜴的顏色引人注目。周末愉快
回覆刪除謝謝觀賞,祝有個美好的週末.
刪除在加州網蛇是受保護的。最後那條長尾四脚蛇 超可愛。
回覆刪除野生動物數量越來越小,確實係要受保護的.
刪除爬蟲類見到都怕怕,你的鏡頭淡化了這種恐懼,有的還有可愛的一面。
回覆刪除我覺得佢地皮膚紋理好靚,但要接觸就咪搞 :P
刪除嘩,青蛇好大條,咁多爬蟲喜歡那種呀!🐍
回覆刪除青蛇其實唔係好大,第一張既蛇大好多.我喜歡大既 :P
刪除今天晴天,但氣溫只有攝氏十度. 朔風吹來好冷. 紅葉季節結束,冬天就來了.我想念著香港舒服的氣候.
回覆刪除爬蟲類朋友們都在溫暖處. 羨慕呀!
香港啲爬蟲唔知會唔會冬眠?我也羨慕你們有雪睇呀.
刪除