聯合攝影大活動

朋友介紹話有個咁既活動,由幾個影會夾埋搞,價錢唔貴包一餐,仲有抽獎同可以參加攝影比賽.

預咗實係幾十人迫埋一齊影,唔好對相片有太大期望,安排頗混亂,久久未能集齊人開始,幾個人見Model準備好就搵佢走埋一邊影住先.白花幾靚但又有石油氣樽,又有垃圾桶.....

終於開始,有泳裝影,自然係迫爆人.

好在Model夠多,分開吓啲人.

人太多,構圖都冇乜.

就咁影個人冇乜意思,有一個空手道擺拍位,原來破板嗰吓啲煙唔係塵來,係預先灑上去既爽身粉,啲人一味要灑多啲,最後就搞成咁.

呢啲動態既啱我,Model不停做動作,快慢快可以試齊晒.

絕對係最多人聚集既地方,玩水花,沙灘球,水槍,飛碟,最後我覺得乜都唔搞最好.