利東街巡遊

初一影花車太辛苦,初三利東街有個迷你版,唔駛咁早霸位.

初初企咗去表演開始的位置,好正路但係太近,用廣角鏡會影到變晒形,後來竟然改欄杆,見到有直位自然改位置,遊行五點半就開始,天都仲未黑但大會提早開燈,首先出場係黃仁曼芭蕾舞學校,成班人衝過來都真係好雜亂.

第二隊出場記得好似係Golden Time,件衫夠晒誇張,要投訴吓係大會啲Staff好自私,大部份時間都企正前面阻住晒,大會攝影都算喇,有啲唔關事既攞住部電話自娛,當咗係佢自己私人派對,給果全身係影唔到,等走到埋來換支50mm先影到半身.

主持人中場會走出來問問題,派吓利是,我朋友收咗一封,聽講係50蚊商場禮券,大會安排咗兩排射燈畀傳媒拍片用........不過係白色,搞到同背景格格不入.

間中會有財神出來派糖同畀大家摸吓舊金.

最後一隊全程都被大會Staff阻住,真係冇辦法影得到,得合照時有機會,都費事換短鏡喇,求其影一張紀錄吓.