夜攝怪兵器

夜攝用兩支閃光燈,一支照亮主體,一支照亮背景,理論上係天衣無縫,可是現實有時背景會空無一物,又或者個背景係好遠,甚至有機會行唔到過去放低支閃燈.網上搵一搵有種攝影專用既兩頭鉗,一邊鉗住腳架,一邊鉗住主體擺放到理想位置先影.

就算去淘寶買都唔平,要幾百蚊真係黐線,結果十二蚊店門口有啲差唔多既嘢,兩頭都係藍色嗰隻大夾,太阻相機袋地方於是剪走一邊,再駁隻細夾仔咁就搞掂.實際用起來係差啲,條臂太硬好難作精準定位,一係太多,一係太小,好彩我只係要來夾吓啲葉做綠底.第一次攞去用冇夾落腳架,因為搵到支粗樹枝可以夾,位置更加好,上次夜攝個水珠蝴蝶頭就係靠佢先有綠底.