吹氣公仔夜攝

文章出既時候呢啲公仔已經走咗,我手腳係比較慢.一開始就一心要影夜晚,諗住光靚啲.吸收咗影黃鴨仔既經驗,除非諗住夾相,否則腳架冇乜用,公仔在水上飄來飄去,快門唔可以太慢.公仔擺放既編排有點古怪,除咗叮噹及Labubu可以見到正面,Elmo同滑嘟嘟係用腳板面向觀眾的.

燈光又係唔掂,超光,影出來背景黑晒,好在Lightroom好聰明可以侷部提亮背景,叮噹擺得超近.50mm好易爆框,侷住用35mm影.

襯住個天仲有小小光嗱嗱聲影埋Labubu,佢遠啲可以用50mm.

勉強有個位可以影到Elmo側面,滑嘟嘟就冇計,點都唔會影到面部,除非畀錢上高位,咁梗係唔會駛呢啲無謂錢啦.原來仲有一個位可以高角度影,就係喺山頂用支長鏡影落來,仲可以影晒四個公仔同框,下次要試試.