試過專影騰空動作,今次要挑戰慢快門.
雖然係咁講,我都想影啲騰空動作,唔知點解啲套路全部都係背住觀眾跳,我唯有走去另一邊用長鏡影,其實有一吓打橫飛身的,不過次次都影唔清.
跟住就係慢快門,原本想試1/30秒,成功率幾乎零,上調至1/60秒,其實成功率都係好低.長槍比較多揮動支槍既動作,向前剌嗰啲幾乎好似冇郁咁.
棍都幾多揮動動作,呢張棍郁之餘,手腳都睇到郁緊,唔錯.
刀動感都唔錯的,可惜被個觀眾席背景破壞咗.要快慢都影晒,又係應用咗相機既記憶功能,用高速快門影完跳躍動作,扭一扭轉盤即刻轉作慢快門.
沒有留言:
張貼留言