去過摩星嶺一次收獲好豐富,最近冇乜聽過有人去,有啲時間就自己去一次.
死火,唔見有蝴蝶飛來飛去,睇真啲係好多灰蝶仔但唔想影,有隻蟲啲色幾靚,而且好定可以慢慢影,佢啲毛都幾靚,係細隻啲.
有甲蟲交尾,乜今日全部都係咁細粒架,朵花仔仲大過佢地,角度唔係好靚想側邊影,點知冇耐就散咗.
哎呀,終於有隻角翅弄蝶,而且小有地攤開得好平,通常都係攤開得勁彎,影唔到翼尖清,而且佢有個特性係好鐘意轉來轉去,好難用景深堆疊,今次佢都係有轉但比較慢,我極速影咗兩張合成.真係多次機會都未必有.
之後係乜蝶都冇喇,不過蜻蜓交尾又見到幾次,都停埋晒啲古古怪怪位,一走近就飛走,好不容易呢對肯停欄杆,走埋啲影幾張,又再走埋啲,如是者最後佢地被風吹散咗我先收手.
呢隻蛾咁啱又停咗個唔錯既位就影埋佢,原來諗住來影蝶,點知變咗影蟲.
我十年前去過摩星嶺一次但冇收獲，你的收獲很精采呀！
回覆刪除真係一時時,上次去係好多蝴蝶.
刪除嘩﹗你影到超清呀﹗真係睇清睇楚﹗
回覆刪除謝謝你的鼓勵 :)
刪除隻蝴蝶好靚
回覆刪除謝謝觀賞 :)
刪除你所影的甲蟲最近經常見，在大廈走廊位每日都見到好多。
回覆刪除天氣潮濕零舍多蛇蟲鼠蟻 :P
刪除you show nature wonderfully – magical!
回覆刪除Thanks very much, have a very nice day.
刪除睇唔睇到蝴蝶可能與天氣和時令有關，因為蝴蝶的成長周期好短。但這次影到蟲都是有收穫。在香港公園的水池邊見到許多蜻蜓，但從未見過交尾。
回覆刪除最近蝴蝶都比較小,好在有蟲蟲補數,蜻蜓交尾又定喺度我都只係見過幾次.
刪除黃色毛茸茸蟲影得好清楚 , 好似特登企定定比你影 .
回覆刪除謝謝你的鼓勵,佢真係好定架,非常合作 :)
刪除喺你嘅鏡頭下，佢哋全部變得好可愛咁。😂
回覆刪除謝謝你的鼓勵 :)
刪除