端午節特別多龍舟活動.原本有人問去唔去影炮仗龍加霧荷,不過好似冇乜動態就作罷,跟住呢個潑水龍幾抵玩,二百幾蚊就搞掂,即日來回仲好,唔駛無無謂謂住一晚酒店.
一早到落馬洲等開關,旅遊車出發兩個鐘多啲就到,去到已經冇乜位,只好夾硬攝入人群,拍攝位置只可以選河兩邊,對正的橋已封,我揀咗橋底側面,希望用長鏡可以影到正面,因為常理計兩條龍舟互相潑水會變咗影背脊,去到已經有龍舟巡來巡去,佢地會搖高搖低特登制做啲波浪,正好係玩慢快門時機.
無無聊聊影吓啲矛人用水喉出術,仲戴埋頭盔唔夠你玩啦,不過點解唔潑水既,下午一點十五分就集合,即係一點就要收嘢去厠所,依家已經十一點半喎.原來又係大牌領導要食埋晏先來,哎.......成村想睇潑水既人等一個最唔想睇既人.
幸好終於開始潑水,戰場在最遠開始,正合我意,可以影到正面.最大挑戰係中間條龍竟然又跳上跳下,又唔可以高速快門因為水花唔好睇,只好瘋狂連拍希望有一張中,仲有最難搞既係身前無數既手機同雨遮,我要幾乎半個人伸咗出欄杆,幸運地最後都有一張影到.
想照辦煮碗影下一隻龍舟?係唔得既.潑完水嗰隻會繼續向前慢慢行,遮晒,最後就搞到成條河都係龍舟,呢個時候只可以影啲混戰場面喇.都唔知邊個話要帶腳架同凳仔,成個過程我都係幾乎被人貼實,想轉角度都難,仲邊有可能放咁多嘢出來?
📷📷📷
回覆刪除Have a very nice day :)
刪除潑水龍又幾有新意，不過咁鬼熱都係留在留內啦^_<
回覆刪除真係熱到中暑 @@
刪除水花很漂亮 你沒濕透?
回覆刪除有濕,可能見到相機有啲留力.但自己出汗都濕晒 :P
刪除我看到你遇到免費的雨了嗎？
回覆刪除親親，安德烈婭！
Yes the event is fun, have a very good day.
刪除疫情前我都去過趁熱鬧，氣氛的確唔錯。
回覆刪除是的,不拍照看看也很高興 :)
刪除天氣咁熱，潑下水都幾好喎。
回覆刪除整濕身就唔係幾好喇 :P
刪除說得好！「大牌領導食埋晏先來」、「成村人等一個最唔想見的人」！這樣的「父母官」真是好討厭，民眾興緻勃勃，就被一兩個「大牌」搞到冇癮。
回覆刪除其實佢唔話唔來睇咪得囉,咁難為佢.
刪除呢種龍舟都幾特別
回覆刪除第一次見.
刪除Skipping the overnight hotel stay and opting for a quick day trip was definitely the smart move here, even with that massive crush of crowds by the riverbanks. It is incredibly frustrating trying to get a clean shot when you are constantly fighting against a wall of umbrellas and raised smartphones, but finding that spot right beneath the bridge seemed like a solid strategic fallback. That tricky balance of keeping the shutter speed slow enough to capture the motion of the water while the boat is bouncing around is no joke, so continuous shooting was definitely the right call to snag those brief, clear moments. It looks like you captured some chaotic energy from that final mixed battle scene on the water despite the blocked views. Did any of the rogue splashes end up hitting your camera gear during all that madness?
回覆刪除Thanks very much Melody. In fact the players spilled water to the audience. Very lucky my camera still working fine :P
刪除睇潑水龍，好熱鬧精彩，天氣熱去比較辛苦！😉
回覆刪除是的,可惜係每年固定日子先有,一定係熱天 @@
刪除啊啊好精彩啊 ! 你的相好凸顯當時環境熱鬧又刺激 , 天氣咁熱真係辛苦哂你呀 !
回覆刪除謝謝你的鼓勵 :)
刪除