顯示具有 流浮山 標籤的文章。 顯示所有文章
顯示具有 流浮山 標籤的文章。 顯示所有文章

2026年8月10日 星期一

再訪流浮山

睇天文台潮汐預報,原來有幾個月朝早都係係冇潮退的,下午又好多地方背光,難得有一日上午有兩個鐘左右係退潮,去翻轉流浮山先.

今天的海鷗飛得好慢,可以慢慢影多幾次.

終於見到目標鳥,上次錯過咗,不過,呀..........你整個咁既Pose.

遠處船上好似有鳥拍翼,有充足時間準備,隨住目標慢慢接近,原來係好嘢來架.

呢種鷸仔又細隻,又飛得快,而且一般唔會飛得好近,襯佢降落打開翼先影得比較大隻,地面咁多蟹仔肯定可以食餐飽,好快水漲到一米,其他地方都仲可以影一陣,流浮山係已經浸晒,唔走都冇用.

2025年12月31日 星期三

流浮山鳥攝

上次去天恩河有師兄介紹流浮山都可以影雀,交通還可以,唔駛行好多路.地點就係遊客會去既流浮山大街盡頭,即係有隻大蠔嗰度.

環境實在係好,有水泥平台,唔駛踩蠔殼或者沙灘,雖然角度就高咗啲,要減小高度既缺點最好就係打飛,呢種鳥飛得幾快吓唔易影,但好好彩佢啱啱轉彎慢咗落來而且正面對住我.所以好多時背向都唔好放棄住.

嗰日出奇地多白鷺,有個路人同我講你發達喇,未見過咁大場面,就咁飛既已經影得太多,捉魚都可以影一下,高角度其中一個問題就係背景會變咗泥灘.

其實仲有幾種鳥例如反咀鷸,黑臉琵露鷺,池露鷺等,不過全部只係掛住撥泥搵食冇乜動作,好彩有兩隻鷸仔玩追逐離晒地又飛起晒泥咁.



2022年3月13日 星期日

流浮山影日落

去下白泥時經過流浮山,據說也是影日落好地方,而且最近好似裝修過,最重要係唔驚冇車走.

首先要去搵大黃蜂,地方比想像中細,除咗大黃蜂,仲有個中秋節嗰陣喺小白鷺既月球,叮噹車仔,得支24-70mm,用盡70mm影,原來好多位可以後啲影的,早知帶支135mm來影.

影日落既話,大黃蜂個位認真麻麻,前景只有一片乜都冇既大海,可能潮退會好啲呱?不過我選擇去高啲既流浮山舊警署影.門口係封咗既,要去側邊鐡線網爛咗既地方潛入.見到警方封條不準前進就代表搵啱路.上到天台就可以獲得較好的視野.成擔心機來到,日落又係矇查查.

順手影埋個夜景,走既時候真係有啲入咗鬼屋既感覺,一屋爛嘢又黑媽媽.如果突然有個人走入來真係嚇死 :P