2026年10月3日 星期六

慢快門影攬球

朋友有門路可以去啓德青年體育館影攬球,但係......十五人,仲要係女子,肯定悶到爆.可是我有一個大膽既想法,未試過用慢快門影,正好可以咁玩.

我支石器時代300mm F2.8對焦太慢,冇錯入光量及散景冇得頂,但要佢一路追焦咬實主體佢係做唔到,既然玩慢快門就唔駛咁大光圈,100-400mm可以變焦對焦仲快得多.一來就係頂頭大熱菲濟對西班牙.你睇幾硬淨,簡直不動如山.

第二場忽然多咗好多人影相,原來係香港隊對巴西,我發覺我大部份相焦距都係用到400mm,所以我都見到頗多有錢人用400mm F2.8.

巴西隊出陣.,又係用到400mm,基本上只有差不多衝到底線先會用100mm.

冠軍之爭係菲濟同荷蘭,十五人真係好難影,走兩步就被人推跌,然後黐埋一舊,好難有走多幾步,所以一接到波就預佢交波,個波變咗一pet添.

菲濟始終係頂班,比較多見到佢走甩冇扑低.最後贏埋冠軍.

夜場先發覺新場燈光真係好正,十足單車館咁夠光,又唔黃,同以前地獄般既燈光係天壤之別.薩摩亞球員啲髮型好特別,本來呢張就唔合格,中焦唔係攞住個波既球員,但又幾有動感.

14 則留言:

  1. 哈哈!我反而欣賞女運動員的髮型和髮飾。

    回覆刪除
  2. 照片會將動作凍結,她們走得幾快都睇唔到,反而從她們的面部表情、肢體動作可以表現出"快"感。

    回覆刪除
    回覆
    1. 慢快門的模糊感也可增加一點速度感 :P

      刪除
  3. 慢快門影好有動感,又難得主體又咁清﹗

    回覆刪除
  4. 動感滿滿你又要同佢地鬥快了 , 影完這活動你倦嗎 ?

    回覆刪除
  5. 鏡頭追蹤的一個最清晰,其他都模糊,也是一種很有趣的效果。

    回覆刪除
    回覆
    1. 幾乎變了標準,就咁高速涷結開始唔入流 :P

      刪除