慢快門影匹克球

這個就是被人鬧爆的搵義工攝影師的比賽,我朋友叫我影嗰陣我都話唔好呱?匹克球我都影過,咁多條件咪搞我,後來佢話去玩吓就得,唔駛交相,咁我就可以玩吓慢快門.

死火,以為係室外只係帶咗支100-400同埋支200來,上次影200係差唔多,點知個場窄好多,要企到貼住底線咁滯,200經常爆框,135又冇攞,侷住用100-400,好彩係玩慢快門,ISO推到1250都唔算太高.成個場得一個位背景最乾淨,試咗一輪之後終於有收獲.

但一場搞好耐,都唔理得咁多,背景雜啲都要照影吓其他位,如果有135就好喇,背景唔駛咁花,ISO又可以低啲.

場就好多個,但我發現好多場都係練波,只有小數有比賽,有啲場以為係雙打,原來只係唔夠場用一組用半個場,哈,影到球拍唔見咗.

我個證其實可以去精英賽嗰個場影,不過嗰邊好嚴,唔可以亂咁走來走去,咁大壓力咪搞我,普通場其實水準都唔差.

最後梗係要影埋搖鏡,幾乎唔見到個波添.