雨天冰球活動

黃金週期間幾乎日日落雨,幸好有個室內冰球活動連續好多日,日日由朝到晚,Mega Box交通也可以,最緊要有厠所,有餐廳,我都去咗幾日.

賽事多可以玩盡啲慢快門,今次全程1/40秒,成功率好低,一日先得幾張可以,先來最簡單既盤球追續,成功既佔咗好大部份都係呢類.

這一刻很奇怪,盤球的運動員好像靜止了,手腳的模糊也沒有,唔睇背景仲以為係高速快門影的.

 比賽前幾日係青少年賽,之後係成人賽,成人賽速度更快.

淨係盤球太單一,必要影到一啲爭奪畫面.

又到背景靜止,但手腳模糊的爭奪畫面,今次收獲唔錯,以前半桶水既慢快門冰球相可以剷走了.

慢快門影冰球

冰球的運動軌跡不規則,不似單車,龍舟,溜冰等會長時間保持直線運動,有大量機會讓你嘗試,不過今次比賽由朝到晚,又唔駛交相,就算全炒都當攞個經驗啦,唔踏出第一步只會原地踏步.

穏陣啲先試1/100秒,原來專心影搖鏡機會都唔係太小,可能少年組爭奪不太激烈,較多空間滑行,成功是成功,效果卻不甚強烈.但佢地啲衫好鮮色.

好的,再下試1/60秒,竟然還有些成功的,成功率低得多但效果明顯,飛出去的波都變作一團.

之後到年齡稍大組別,動作比較快,我又上調至1/80秒,雖然未必影到移動瞬間,但啲棍模糊咗都唔錯.

之後再到高級組別,動作非常快,影咗一陣快速快門睇吓有冇個波在半空畫面,定格畫面已經冇乜價值,堅持翻1/80秒才像樣.

又到小朋友組了,改翻1/60秒先.