呢排日日都係天陰陰,突然間有太陽,嗱嗱聲去影日落.夜晚冇堂食唔適宜搞咁晏,上山影埋夜景既話落得山來最快都七點幾,翻得屋企來分分鐘九點鐘先食到飯,要搵到影完日落就可以即走既地方.
鋼線灣其實我之前來過,不過嗰次搵唔到個燈塔,因為行行吓唔對路掉頭走咗,原來堅持行多一陣就到.拍攝過程好順利,呢個位肯定冇夜景影,一影完日落即刻急步去搭小巴走人.千算萬算,小巴架架都係滿座,等咗半個鐘先上到車.仲要堅尼地城搭一個鐘港鐡,結果都要八點半先食到飯.
