呢排個個星期都係落雨,唔搵啲室內節目真係唔掂.
影人最易啦,俾錢就有,順便可以用吓兩支新閃.好奇怪,嗰日幾乎淨係得我用閃燈,我見其他人有帶閃燈,但都係只插機頂唔開來用的.數碼機搞到個個都變晒現場光派,唔夠光就一味谷ISO.間房又細,又全部白色牆,就算得一支閃,求其搵個高位反射都好均勻,中焦就有相,唔駛帶腦.
個影樓標榜有大窗可用自然光影相,自然光真係太緊要,不過咁企就變咗大背光,唔用燈一係面黑黑,一係就背景大爆光好似上咗天堂咁.我發覺其實一枝燈插機頂都夠,但離機可以避免正面有近物爆光.
原來仲可以轉一次房,咁又係,一間房影晒應該會好悶.呢間房有頗多啡色傢私,光反射後會令膚色有點黃,要調調白平衡就翻佢.
原本想影鏡中倒影,不過好多人入咗鏡,最後侷住咁影就算.
個毛豆幾性感喎
回覆刪除有一點 :P
刪除有多個場景玩下幾好，好咁悶麻，
回覆刪除帶咗燈唔用，哂咗...補光都要啦
iso 細啲相片質素細微靚啲...
確實係,室內好快就影晒咁多個位,我估啲人可能一用燈相機就幫佢地較快快門搞到背景黑晒,又唔知點用反射閃光,最後索性唔用.
刪除祝: 中秋節快樂
回覆刪除謝謝祝福,中秋節快樂.
刪除毛豆幾張都是左側面，相信是左側面最靚！？
回覆刪除你有察覺到哦,我影咗幾個角度,係覺得側面靚啲.
刪除島 Sir 眼福無邊。
回覆刪除哈,歡迎到訪 ;-)
刪除島 Sir, 請你抽空看看我在8月份的[夏月旅遊篇]有廿六頁, 記敘了我去美國黃石公園九天之旅。
刪除那真是很詳盡的紀錄.
刪除哇,今次影得好有水準!
回覆刪除謝謝你的鼓勵 :)
刪除