影日落相一向都認為要將白平衡設定得比較暖調,做成日落金黃色的感覺.不過慢慢就會覺得成張相偏晒色一睇就知係假嘢,尤其有啲人比較重手,變得好超現實.
好似呢張相咁,我已經盡量將前景調翻冇咁紅,但係個天一睇就知好重味精.再淡啲又好似冇乜日落感覺,平時個個慣咗重味,去翻人眼感覺反而唔自然.不過有一種情況係例外,就係用到好廣角焦距,影到大片天空,咁離太陽較遠既天空因太陽光影響唔到會變翻藍色,咁就最正喇.
但唔係個個景都適合超wide納入大片天空,一用長小小焦距就成個天橙晒,有日靈機一觸,試吓人工整個藍天俾佢,用原相調低K數,出到想要既藍天.可以睇得出近太陽既天空都係橙色的.
之後就係疊埋兩張相再用漸變露出想要既藍天啦.最後結果就係咁喇.
島兄為咗一張靚相都花好多心思，我比較求其，像上圖天空佔相片面積不足三份之一，我會成張相調整算數。哈哈！
回覆刪除哈哈,我比較姿整 :P
刪除以前我都盡量調較設定來達到想要的效果，經常被人話靚到像畫一樣，日子一久，經常被這樣講已經不覺是稱讚，
回覆刪除咁對方又未必係咁意思既,不過我都覺得靚得來要自然先好.
刪除以前我都經常調較設定來達到想要的效果，現在就簡單就算，盡量要自然的感覺。
回覆刪除係呀,靚還靚,太假就唔自然.
刪除現在網上照片分享，大部份都執到靚靚，我比較喜歡自然景觀。
回覆刪除我係中間派,我要執靚但要睇落自然.
刪除處理後比較接近現實一些吧^^
回覆刪除是的,希望不要太假.
刪除我有時都會將好明亮的太陽影成月亮咁既款,都係假象!
回覆刪除唔好話俾人知就得啦 :P
刪除最重要睇幅相整體表達
刪除有Ｄ有技巧同藝術感嘅相都會有將好明亮的太陽影成月亮咁既款
嘻嘻...... 攝影好寬好多表達手法 open your eyes open your mind
我係中間派啦,唔無中生有都可以接受既 :P
刪除執相係你強, 我也會不知不覺中好重手,不過日落我係中意暖洋洋感覺。
回覆刪除最緊要自己覺得靚就得啦.
刪除執得好靚.
回覆刪除謝謝鼓勵 :)
刪除味精假象.......飛最拿手........哈
回覆刪除哈哈,人類都係鐘意重味 :P
刪除