最近人人都影花,我又襯熱鬧去影一下.網上見到有人話萬德苑桃花幾靚,順便當行山去咗一趟,呀.....睇地圖好似好近,原來都要畀小小氣力的.
一早來到得我一個人,同棵花影個全景先,都知實係會好亂架喇,只係紀錄吓.其實我覺得會唔會係梅花呀?
跟住開始影特寫,由於棵花後面就係山,好多位都係影到黑底,得翻啲窿隙可以影到淺色底背景.
平時影花特寫好難影到全清,一大堆花如果只係得好小部份清係正常,我今日就試吓景深堆疊整整佢,難度原來都幾高,主要係有風,等到冇風基本上係冇可能.只好將目標降低,盡量一個平面既搞掂就算.
你特寫啲花真係好靚, 謝謝分享 👍
回覆刪除2021美麗桃花梧桐寨萬德苑 https://youtu.be/ZfWf2Pzekd0
2021桃花王｜萬德苑 https://youtu.be/qqAMvQzSFnU
謝謝你的鼓勵及分享 :)
刪除萬德苑那棵應該是桃花，花瓣呈橢圓形﹝梅花的花瓣比較圓﹞，以前從大帽山落林村或者去梧桐寨瀑布都會見到呢棵桃花，好茂盛。
回覆刪除謝謝Peace兄解開我的疑惑 :)
刪除桃花好靚喎又新鮮﹗
回覆刪除咁大棵都第一次見 :P
刪除有風影花有困難。
回覆刪除係最大困難,太大風直情影唔到.
刪除無得出國睇，幸好呢度仲睇到 XDD
回覆刪除:)
刪除香港人是愛花，一棵花都吸引咁多人。
回覆刪除香港人係乜都一窩蜂 @@
刪除我家後園有株種了10多年的桃花，勝在年年都在正月初一前便開花，花落後即長葉後結果，不過結出的桃子細細粒且帶苦澀味，但桃子發出陣陣清香氣味。
回覆刪除圖片在我2月4日的網誌 [Welcome Spring 2021 喜迎春] 圖4. 桃花樹旁邊伴着枇杷樹的葉 及 2月11日［The Year of Ox - 牛年到 牛年到] 圖3.4。
年年都有自家年花真係唔錯 :)
刪除很好奇, 山上會有一棵咁靚梅花, 真想佢种多几棵。哈
回覆刪除裡棵好新鮮好靚呀,好密又好難影得靚,不過你影特寫都好清呀!起碼無令我頭暈那些波波哈哈~~
其實行高啲仲有幾棵都好靚,不過我懶得行上去.我同你一樣好憎嗰啲波波 :P
刪除影花都喺好講技巧，太强光，收細光圈景深太長，玩景深都好正，最突出到花，我個人覺得一大叢花海喺要航拍。
回覆刪除航拍有佢既特別角度,影一大片花係幾唔錯架.
刪除見行山人好多都有去影，萬德苑既桃花王，好大喎！
回覆刪除網路世界搞到都冇乜秘密,棵桃花真係好大,第一次見.
刪除