一向對甚麽超級月亮,月蝕冇乜興趣,所謂超級月亮只係大7%,搵支長鏡實際啲.月蝕更無謂,影相既話同唔係滿月冇分別.不過今次話有血月有啲特別就走去試吓.做咗一輪功課,黃埔海濱應該最好,有機會有水平線月出,咁就可以煲到個月光超大前景又唔會爆晒框,月出時間又啱啱好日落之後,個天仲係藍色應該好靚.
人多成點都唔駛我講.早一個鐘來到近入口既已經冇晒位,我仲同人講咁大個海濱實有位.咁事實上左手邊行遠小小都仲有位放到腳架,不過走嗰陣就要行遠啲囉.之前最擔心既低雲今日係冇.但係夠鐘月出後成15分鐘都冇嘢睇,終於有人話見到,但水平線附近乜都冇喎,原來已經升到好高喇,應該係個天太光,之前睇佢唔到.月蝕既關係,個月光得一條.
再等,月光已經入咗雲,到佢出翻來已經好高吓,爆晒框,影直度又唔多啱口味,同埋天色越來越黑,搞到冇晒心機.
剩翻一招只好用移形換影大法令月光時光倒流去翻之前靚既場景.個月光實際真係咁大同喺嗰個位置架,不過唔係呢隻色之嘛.
最後就係我之前既理想構思喇,水平月出用到300mm加1.4增距地景都仲未爆框.真係咁理想既話照睇煲到600mm都仲得.跟據今次經驗,要避開月蝕,要揀月出時間在日落後半個鐘最好.下次再試吓.
都影得好靚
回覆刪除謝謝你的鼓勵 :)
刪除哈哈！我都冇興趣，但看到攝影者的用心，我也非常欣賞。
回覆刪除哈哈,襯吓熱鬧 :P
刪除你拍得好精彩。我在紅磡現場睇。6時多個天好光，什麼都看不到。天暗下來就見一彎暗紅。月亮慢慢吐光。很多雲遮掩。直至滿月。個月亮比平時光。覺得似個勁光電筒。
回覆刪除我要聲明我係用兩張相合成的.我覺得個月光比平時白色時暗喎.可能係升得高天已經好黑既感覺.
刪除你影到個血月亮好靚又咁大嘅，直睇好細咋，
回覆刪除我網上睇到黃埔超爆人
眼睇當然冇用長鏡影咁大,黃埔真係超多人 @@
刪除今次真係希望越大, 失望也大哈哈~
回覆刪除影月光, 我都開始投降哈, 無次靚。
你合成二張都唔錯呀!
人算不如天算(其實係經驗唔夠,忽略咗個天太光既問題),時機啱既話應該唔難影到,合成容易,始終係假嘛.
刪除見左甘多人影,你影得最靚!
回覆刪除謝謝你的誇獎 :)
刪除我以往有影月蝕的習慣，乞次也不例外，當然也只是揍揍熱鬧的心態，因為我冇一支合適的長鏡，只能影大景，月光不太大，但我有部傻瓜機可以去到450mm，影月亮close up 是勉強可以的，但解像度就差幾皮嘞，冇辦法啦，未儲夠錢買鏡。
回覆刪除我見有人影大景加一串月蝕的流程都幾特別的.影特寫就冇計一定要長鏡.
刪除一流，第一次見到血月亮照片，美極。
回覆刪除謝謝你的鼓勵 :)
刪除月亮也在淌血嗎?
回覆刪除當然不是啦,聽說是低角度反射太陽光的效果 :P
刪除咁難得見到有血月，當然個個擠晒去影啦，你都影得好靚呀！👍
回覆刪除謝謝你的鼓勵,係估到多人,估唔到多成咁 :P
刪除