好耐冇去過獅子會自然教育中心影蝴蝶,一來比較遠,二來好似次次都冇乜收獲.過咗咁耐又去試吓先.
蝴蝶其實係有既,不過都係普通品種,就冇乜特意去追逐佢地,反而地上見有蟲,佢啱啱停在個位我手肘有支撑向下影的位置.平時好小呢個角度影,今次雖然暗暗地,但姿勢穏定可以用慢啲快門都OK.
來到一個有好多鬚狀植物的地方,超多呢種蝶,超級普通,但我影埋嗰啲都係歪歪斜斜,決定花時間搞搞佢,要影到唔難,但要冇鬚遮住就真係國家級任務,搞咗好耐先成功.
之前都係帶包來食,今次試吓聰明茶座,得四個餐,一個Pizza餐同三個漢堡包餐,配上高糖汽水及熱氣薯格.漢堡包塊肉又高脂,真係唔多啱老人家,好彩有個係雞肉漢堡,終於我淨係食咗個包就算.如果好似麥記咁轉粟米就好喇,出到種瓜的地方,好多唔知係咪果蠅的物體.細粒到死好難搞,搞得兩搞去咗背光位,侷住出閃,咁就弊,眼睛留下一個古怪光點.
呢隻蟲見人地既相就見得多,我係第一次影,佢知我影佢成日擰轉面背住我,又係搞到滿頭大汗先影到,此時都好晏,係時候收工,影蝶變咗影蟲.
我以前住過將軍澳，好喜歡嚟呢度，實在太方便了，搬走咗就好少再嚟。但我覺得這裡是一個影相的理想地方，地方大，唔辛苦，又安全，但正如你所說，沒有甚麼稀有品種，就當是練習好了，半日時間，行吓、影吓、一樂也！
回覆刪除將軍澳去就近,我就都幾遠吓,不過唔駛錢咁大地方俾你玩,真係超值.
刪除島兄，我今日才見到你的POST，但日期是8月26日，在「我的網誌清單」排在後段，好容易走漏眼....:p
回覆刪除呢個係Goggle問題,佢係跟草稿日子而不是發表日子排序 @@
刪除原來如此 :p
刪除呢處的蝴蝶品種真係好普通，我見咗咁多年都係果啲。
回覆刪除我見佢網頁介紹好多珍貴品種的,不過就冇見過有出現 @@
刪除第四個張好似異形，好恐佈﹗
回覆刪除係呀,我老婆話我做乜影曱甴 :P
刪除微距鏡頭下，昆蟲很美，在正常目光下，可能會忽略了，甚至有點害怕。
回覆刪除好多都係好細粒,唔留意都睇唔到 :P
刪除很清晰的動態！
回覆刪除謝謝你的鼓勵 :)
刪除收穫都唔錯! 我一直都唔知獅子會怎去, 哈。
回覆刪除一味係蟲多,冇乜蝴蝶,往西貢方向的車好多都經,你去就好遠喇.
刪除Maymay, 我在2013年曾去過 西貢北港獅子會自然教育公園並發表了三篇網誌 -
刪除https://usweiwei.blogspot.com/2013/12/happy-new-year-2014.html
https://usweiwei.blogspot.com/2014/02/blog-post_9.html
https://usweiwei.blogspot.com/2014/02/blog-post_10.html#comment-form
我都好中意去獅子會,好多野影,你部機真係勁,我影的都唔清,哈哈!
回覆刪除如果唔太遠都幾好的,影蟲仔都幾花耐性,要佢比較合作先影得清.
刪除Philip, 因為你有耐性才可以影到昆蟲的靚相。可能我大意, 我在散步時, 甚至在我屋企的前後花園草地都未見過這些蟲蟲呢!
回覆刪除你冇特意留意吧,唔難見到的 ;-)
刪除你影得好靚，好似雨後咁清晰，
回覆刪除影昆蟲要好講時機和耐性，仲有器材。我三樣欠奉，你多分亨，讓大多欣賞。
謝謝你的鼓勵 :)
刪除成日擰轉面背住你....嘻 嘻
回覆刪除下次請佢食Ｄ野可能望下你一眼架 ^_^
唔得既,會俾人話誘拍,好大罪架 :P
刪除