電視機報導連接海達村及海盈村天橋一夜之間架好,搵地方影呢條橋好似冇乜,不過條橋咁高又橫誇咁多高速公路,條橋度影個景都應該唔錯.
長沙灣站行過去都有啲遠,去海達村就得,去海盈村會遠好多,亦係起呢條橋既目的,可惜.......社會運動為大部份天橋加上鐵線網,新起既自然係標準設計.好在側邊仲有一小忽係冇網既,仲要係日落位.不過我影嗰日麻麻地,影夜景就算.至於反方向就有太多高樓唔靚.
有鐵線網呢件事都估會有,所以帶埋公司部石器時代既DC仔來做後備,而的確有鐵線網嗰邊個景係靚啲.DC仔因為鏡頭細,可以從鐵線網中間既窿仔伸出去影,仲夠位擺小小角度.雖然景係靚,不過遠古DC仔啲畫質真係仲衰過電話.
以後起行人天橋用番呢個方法咁就少Ｄ塞車 lu ^_^
回覆刪除科技做福人類 :)
刪除一夜之間？香港幾時有這個效率，一條東區走廊擴建，十幾年都未搞掂。
回覆刪除只係夾埋啫,起當然唔得 :P
刪除現在多採用預建方式，分別起好橋墩及橋身，搵一晚將橋身放上橋墩便是，較早前將軍澳跨灣大橋正是這樣建造，現今大陸都好常用這方法。
刪除現在起屋都好多係咁,一舊舊整好先一次過砌,方便專門加工之餘亦唔駛阻住一個地方太耐.
刪除我覺得兩張都靚。
回覆刪除謝謝你的鼓勵 :)
刪除真係佩服島兄對拍攝嘅熱情，有嘢拍，上山落海都肯制（齋係揾個靚角度都用咗唔少腳力，仲要孭住d器材，佩服、佩服）
回覆刪除謝謝你的鼓勵 :)
刪除個景麻麻D喔, 好過無野影。
回覆刪除新地方去觀察吓嘛 :P
刪除發掘新地方有意思，效果都唔錯。
回覆刪除謝謝你的鼓勵 :)
刪除2019暴動的後遺症，將來個個都做網中人了，想在天橋影相也變得不容易。
回覆刪除以前好多靚景都變咗絕唱,想再翻影都冇得影喇.
刪除謝謝你咁多靓相分享。
回覆刪除謝謝你的鼓勵 :)
刪除