大澳出現新蝶品種.幸好是在着燈之前,否則會令已經不勝負荷既大澳更加雪上加霜.入大澳真係超遠,先去東涌個幾鐘,再轉巴士又成個鐘,仲要行多三十分鐘.前後三個幾鐘日本都去到.
呢隻蝶叫做珍灰,聽講馬來西亞先有,我已經特登請假平日先來,但都係有成三,四十人喺度,隻蝶出沒好有規律,幾乎實係嗰個位附近.不過就停得比較高,我支180mm加埋1.4x都仲係好細粒,亦實在太多人,郁都郁唔到,只好勁裁佢,有條咁有型既尾又真係幾靚.
好在外面有迎客蝶珐灰交尾,個個有得影,皆大歡喜,三十幾度高溫加上曝曬,水好快耗盡,原本仲有目標蝶都唔搵喇,出到茶餐廳唔該大水一支,飲晒去到東涌再買多支大水又飲晒,幾乎中暑.
照片難得，真係辛苦曬師兄，哈哈。
回覆刪除哈哈,謝謝你的鼓勵 :P
刪除所謂蝶神，是品種稀有嗎？
回覆刪除是第一次在香港出現的品種.
刪除收獲都唔錯喎！
回覆刪除相唔多,不過都係新蝶,以前未影過.
刪除條尾好有特色，真係從未見過。
回覆刪除呢隻新蝶新得來幾有特色,有條長尾.
刪除之前係水浪窩都見到一隻好長翅膀的黑色蝴蝶,可惜飛得太快,影唔到!
回覆刪除好長翅膀的黑色蝴蝶,會唔會係燕鳳呢?
刪除珍灰蝶你都影得靚過我, 哈, 我遇到D位太難搞了。
回覆刪除個排真係好熱。
我呢個位都唔得,裁完都係得咁細隻,又有啲遮肚,影到咁大隻再裁就差唔多.靚位真係要講運.
刪除