鶴藪影蟲

見人地在鶴藪影到中華雲灰蝶我又去試吓.我唔識搵甚麽秘位,只係坐小巴去到總站就落車.

天氣時晴時雨,剛好總站旁有個亭可以避雨,唔駛一落雨就好狼狽,咁既天氣都唔駛旨意有蝴蝶,停雨之後我搵到佢,原本黑媽媽好樣衰,不過有啲水珠都幾得意,如果係蝴蝶就正喇.

襯未落雨又再影吓怪獸,隻眼一點點幾得意.而且上下都有樹葉構圖都幾好.

原來小巴總站是在村內的,在亭的位置轉個彎幾步就到,不過村係唔俾入的,變咗擺幾張凳在村出面等車.唔敢行咁遠,就在呢個位附近影吓.呢隻小蟲黑媽媽不過眼睛啲紋幾得意.哈,影佢嗰陣佢啱啱伸腳抓背脊.

成日見得最多就係呢種蟲,反正冇嘢影,花時間慢慢影清佢.最難搞係佢唔多平面,終於用到六張夾先夠景深.落雨天都係運桔多,好彩小巴又幾密,係時候收工.